Þór voru betri. Bæði lið báru það augljóslega með sér að hafa að engu að keppa nema stoltinu. Þór voru bara betri aðilinn megnið af leiknum og það dugði til sigurs í dag í þessum þýðingalitla leik.

Fyrsta mark leiksins. Ekkert eðlilega þreytta take en leikurinn var í svo miklum hlutlausum gír þar sem Grótta var með boltann og Þór beitti skyndisóknum. Opnaði leikinn aðeins og gerði bragðlausan leik að bragðdaufum leik.

Ekkert þannig. Örlög beggja liða voru ráðin fyrir þessa umferð. Grótta spilar í 2. deild að ári, en það er í fyrsta sinn sem liðið gerir það í 7 ár. Þórsarar enda deildina þá á sigri, þótt að tímabilið hjá Þorpsbúum hljóti að teljast vonbrigði þegar á heildina er litið.

Ég veit, ég veit, ógeðslega þreytt það sem þú ert að fara að lesa. Undirrituðum fannst í alvörunni ekki neinn einn leikmaður eiga vondan dag. Meira kannski að margir leikmenn í báðum liðum hafa spilað miklu betur en þeir gerðu í dag. Hvort það hafi verið raunin allt tímabilið er ómögulegt að segja en já, leikmenn sem eiga að vera betri áttu vondan dag.

Ömurleg lína hjá Heiðari. Veit ekki hvort ég sé svona ruglaður en þegar bæði lið eru ósátt við dómgæsluna og það er alveg augljóst að hann er bara að dæma einhvern veginn, þá er ekki hægt að gefa góða einkunn. Held að hann hafi sleppt allavega einu víti, gaf furðuleg gul spjöld og hefði þessi leikur haft einhverja þýðingu fyrir liðin þá hefði Heiðar misst tök á leiknum áður en hann byrjaði.