SKÝRSLAN: Stjörnumenn sækja þrjú stig gegn sprækum Vestramönnum
Hvað réði úrslitum?
Stjörnumenn voru alls ekki með einhverja allsherjar yfirburði á vellinum. Það komu vissulega tímabil í leiknum þar sem Stjarnan var með yfirhöndina en það sama má segja um Vestramenn og staðreyndin er að þessi leikur hefði alveg eins getað farið 0-1 fyrir Vestra. Hann gerði það hinsvegar ekki og má klárlega hrósa Stjörnunni fyrir þennan leik en þeir sýndu karakter og höfðu trú a verkefninu allt til enda og uppskáru í takt við það.
Bestu leikmenn
1. Óli Valur Ómarsson
Var líflegur úti á vinstri kantinum i dag og fór oft illa með varnarmenn Vestra og var sífellt ógnandi, náði vissulega ekki að skora eða leggja upp en erfitt er að segja að einhver hafi skarað fram úr þannig séð.
2. Árni Snær Ólafsson
Varði virkilega vel frá Silas í fyrri hálfleiknum og stóð sína vakt með prýði þess utan og fær því að vera valinn hér
Atvikið
Það var þungu fargi af heimamönnum létt þegar SIgurður Hjörtur benti á punktinn. Dómurinn var réttur og ekki annað hægt fyrir Sigurð en að benda á punktinn.
Hvað þýða úrslitin?
Stjörnumenn eru nú í fimmta sæti í harðri baráttu um Evrópusæti. Vestramenn eru í 11. sæti og þar með fallsæti.
Vondur dagur
William Eskelinen gerir klaufalega mistök þegar hann fær dæmda á sig vítaspyrnu undir lok leiksins. Þess utan var hann bara fínn í dag en þetta er dýrkeypt.
Dómarinn - 7
Bara fínn i dag. Vítaspyrnan var rétt. Mér fannst tækling frá Gunnari Jónasi á Örvar Eggerts hugsanlega réttlæta það að rauðu spjaldi væri lyft en látum það liggja á milli hluta.