Fylkir getur komist úr fallsæti Ef Fylkir vinnur óvæntan sigur þá kemst liðið upp úr fallsæti. Sendir HK niður í fallsæti þar sem markatala Árbæinga er mun betri.

Víkingur getur tryggt sér heimaleikjarétt gegn Breiðabliki í kvöld Ef Víkingur vinnur þá endar liðið í efsta sæti deildarinnar og tryggir sér þar með heimaleikjarétt í lokaumferð úrslitakeppninnar, í leiknum gegn Breiðabliki sem gæti orðið hreinn úrslitaleikur um Íslandsmeistaratitilinn.


Arnar Gunnlaugsson mætir aftur á hliðarlínuna eftir leikbann.

Gísli Gottskálk með sýningu í Vesturbæ Gísli Gottskálk Þórðarson var magnaður í 3-0 sigri Víkings gegn KR. Mark og stoðsending frá honum í leik þar sem hann lék listir sínar.

   16.09.2024 10:54

Ánægður að sjá Gísla og Viktor stíga upp eftir meiðsli Pablo

Þægilegur sigur Víkings í bikarnum
Liðin mættust einnig í 8-liða úrslitum Mjólkurbikarsins þann 13. júní. Þar vann Víkingur þægilegan 3-1 sigur.

Víkingur R. 3 - 1 Fylkir
1-0 Danijel Dejan Djuric ('31)
2-0 Danijel Dejan Djuric ('35)
3-0 Valdimar Þór Ingimundarson ('58)
3-1 Pálmi Rafn Arinbjörnsson ('88, sjálfsmark)

Svipmyndir úr fyrri leiknum

Sjö mörk þegar liðin mættust í fyrri umferðinni

Víkingur R. 5 - 2 Fylkir
0-1 Benedikt Daríus Garðarsson ('1 )
1-1 Aron Elís Þrándarson ('14 )
2-1 Erlingur Agnarsson ('18 )
2-2 Orri Sveinn Segatta ('52 )
3-2 Helgi Guðjónsson ('58 )
4-2 Ari Sigurpálsson ('65 )
5-2 Karl Friðleifur Gunnarsson ('79 )
Lestu um leikinn

Víkingur vann 5-2 sigur þegar liðin léku í Fossvoginum þann 2. júní. Ekki var mínúta liðin er Benedikt Daríus Garðarsson kom Fylki í 1-0, en Þórður Gunnar Hafþórsson átti þessa konfektsendingu frá hægri vængnum, yfir vörn Víkings og fyrir fætur Benedikts sem setti boltann út við stöng og inn.

Víkingar voru fljótir að bregðast við og fóru strax að hóta marki gestanna.
Ari Sigurpálsson átti ágætis tilraun sem Ólafur Kristófer Helgason varði aftur fyrir endamörk á 2. mínútu.

Ellefu mínútum síðar fengu Víkingar aukaspyrnu eftir að Matthias Præst missti boltann of langt frá sér og sá ekkert annað í stöðunni en að strauja Karl Friðleif Gunnarsson.

Karl Friðleifur tók aukaspyrnuna, sem fór af Nikulási Val Gunnarssyni og í höndina á Aroni Elís Þrándarsyni, sem lagði boltann til hægri áður en hann afgreiddi færið örugglega í vinstra hornið.

Boltinn fór klárlega í hönd Arons og alls ekkert hægt að deila um það, en Þórður Þorsteinn Þórðarson, dómari leiksins, dæmdi ekkert.

Mínútu síðar voru Fylkismenn heppnir að fá ekki á sig víti er Valdimar Þór Ingimundarson komst inn í teiginn. Orri hélt í stuttbuxur hans og hafði greinilega áhrif á Valdimar, sem potaði boltanum í átt að marki áður en hann datt í grasið. Aftur var ekkert dæmt.

Þremur mínútum síðar kom Erlingur Agnarsson Víkingum í 2-1. Ari fékk boltann á vinstri vængnum, keyrði inn að teignum áður en hann teygði sig í boltann til að koma honum fyrir markið. Orri Sveinn Segatta reyndi að koma hættunni frá, en það vildi ekki betur en svo að boltinn fór af honum og fyrir Erling sem potaði boltanum í netið.

Það var lítið um að vera næstu tuttugu mínútur eða svo, en næsta hættuleg færi var gestanna. Halldór Jón Sigurður Þórðarson, sem hafði komið inn á sem varamaður fyrir meiddan Nikulás Val, dansaði í gegnum vörn Víkinga áður en hann lagði boltann út í teiginn á Benedikt Daríus en skot hans yfir markið.

Staðan í hálfleik 2-1 fyrir heimamönnum. Nokkuð jafn leikur framan af, bæði lið með góða kafla. Fylkisliðið hélt meira í boltann í fremur leiðinlegu veðri.

Snemma í þeim síðari jöfnuðu Fylkismenn. Arnór Breki Ásþórsson með hornspyrnu beint á hausinn á Orra Sveini sem stangaði honum í netið. Glæsileg byrjun á seinni hjálfleiknum hjá Árbæingum.

Víkingar náðu að kaffæra Fylkismönnum á síðasta halftímanum eða svo með þremur mörkum.

Helgi Guðjónsson kom þeim yfir á 58. mínútu. Ari Sigurpáls kom boltanum frá hægri vængnum og fyrir Helga sem náði skoti á markið, en Ólafur Kristófer sá við honum. Boltinn datt aftur fyrir Helga sem var með opið mark fyrir framan sig, en eftir smá basl tókst honum á endanum að leka honum yfir línuna.

Sjö mínútum síðar skoraði Ari fjórða markið. Karl Friðleifur með frábæran bolta vinstra megin á vellinum og á fjær. Ari náði að komast fram fyrir Arnór og skila boltanum í netið. Mikilvægt mark fyrir heimamenn.

Það tók mikinn mátt úr Fylkismönnum og voru Víkingar alltaf líklegir til að bæta við. Rúmum tíu mínútum fyrir leikslok kórónaði Karl Friðleifur leik sinn með fimmta marki Víkinga. Ari fann hann vinstra megin við teiginn og setti hann boltann á hægri og skaut honum á varnarlausan Ólaf Kristófer í markinu.

Í uppbótartíma kom Ólafur í veg fyrir að Víkingar gerðu sjötta markið. Helgi fékk boltann í miðjum teignum, en Ólafur gerði vel að verja frá honum.

Málarameistarinn flautar
Dómari: Erlendur Eiríksson
Aðstoðardómari 1: Kristján Már Ólafs
Aðstoðardómari 2: Guðmundur Ingi Bjarnason

Ein breyting hjá Fylki Emil Ásmundsson leikmaður Fylkis tekur út leikbann. Halldór Jón Sigurður Þórðarson kemur inn í byrjunarliðið í hans stað. Það er eina breytingin hjá Fylki frá 0-0 jafntefli gegn Vestra í síðustu umferð.

Aron Þrándar og Karl Friðleifur snúa aftur Fylkir, sem er í neðsta sæti Bestu deildarinnar, tekur á móti Víkingi klukkan 19:15. Víkingur getur endurheimt toppsæti deildarinnar með sigri.

Arnar Gunnlaugsson þjálfari Víkings gerir tvær breytingar frá 3-0 sigrinum gegn KR á föstudaginn.

Aron Elís Þrándarson og Karl Friðleifur Gunnarsson koma inn eftir leikbann og eru í byrjunarlið Víkings. Jón Guðni Fjóluson og Gunnar Vatnhamar setjast á bekkinn.