Hilmar Jökull Stefánsson @Hilmarjokull

Textalýsing Skýrslan

Hvað réði úrslitum? Alvöru vægðarleysi í fyrri hálfleik af hálfu Blikakvenna. Þær gjörsamlega völtuðu yfir Akureyringa í fyrri hálfleik og þegar þú ert kominn með 6 marka forystu í hálfleik þá sjálfvirkt slekkuru á þér í seinni hálfleik. Bestu leikmenn 1. Samantha Rose Smith (Breiðablik) Hvað er hægt að segja um þennan leikmann sem hefur ekki verið sagt nú þegar? Ótrúlegur spilari og svo mikið með í öllu sem Blikakonur gera á vellinum að það er konfekt að fylgjast með því. Skorar þrennu en gefur liðinu svo miklu miklu meira í uppspili og öðru. 2. Agla María Albertsdóttir (Breiðablik) Frábært fyrir Breiðablik að fá hana aftur eftir þessi meiðsli hennar. Hefur verið geggjuð síðan hún kom til baka og var mjög góð í dag. Spilari og "baller" af gamla skólanum sem hleypur framhjá varnarmönnum allan daginn. Atvikið Þriðja mark Sammy Smith á 14. mínútu. Gerði gjörsamlega út um þetta með þrennu á 7 mínútum. Ótrúlegt að fá að horfa á hana spila fótbolta og hún virðist ætla að vera örlagavaldur í þessari toppbaráttu Blika og Vals.

Hvað þýða úrslitin? Blikakonur ríghalda í toppsætið, sem þær unnu í 1. umferð úrslitakeppninnar. Valskonur vinna á meðan FH þannig það munar ennþá einu stigi á Breiðablik og Val í toppbaráttunni í Bestu deildinni. Þetta gefur líka Blikum alvöru sjálfstraust fyrir síðustu tvo leikina, gegn FH og Val. Á sama tíma hafa Þór/KA ekki að neinu að keppa, eins og sást í þessum fyrri hálfleik. Vondur dagur Agi Þór/KA í fyrri hálfleik var enginn og þessi frammistaða hjá öllu liðinu í fyrri hálfleik var eiginlega bara til skammar. Ég veit að það munar yfir 20 stigum á liðunum, en þær spila í sömu deild og bara 1 lið skilur þessi lið að í töflunni. Leikmenn verða að klára mótið með sæmd, annað er ekki í boði. Dómarinn - 6 Frábær framan af en fór að halla undan fæti þegar leið á leikinn. Hann fór eiginlega að vorkenna Þór/KA og sleppa því að flauta augljósar aukaspyrnur fyrir Blika