Sölvi Haraldsson @Breiiiiiiiiiii

Textalýsing Skýrslan

Hvað réði úrslitum? Markið sem Kiddi Jóns skoraði beint úr horni. Skelfileg mistök hjá Daða Frey. Enginn vindur og engin pressa. Rándýrt. Bestu leikmenn 1. Kristinn Jónsson Skoraði markið sem skipti máli og kom með stórhættulega bolta inn á teiginn hjá FH. Varðist frábærlega og var besti maður vallarins að mínu mati. 2. Aron Bjarnason Mér fannst Aron mjög líflegur í dag og óheppinn að hafa ekki skorað. Skapaði fullt af færum og var mikil hætta fyrir varnarlínu FH í dag. Atvikið Sigurmakrið. Enginn vindur og engin pressa en Kiddi Jóns skoraði úr horni. Skelfileg mistök hjá Daða Frey.

Hvað þýða úrslitin? Blikar fara á toppinn þangað til annað kemur í ljós en FH-ingar eru neðstir í efri helmingnum og eru 6 stigum frá Evrópusætinu þangað til annað kemur í ljós. Vondur dagur Daði Freyr var búinn að eiga góðan leik í marki FH áður en hann gerði sig sekan um rándýr mistök. Þetta verður að fara á Daða. Dómarinn - 8 Það var mikill hiti á köflum hjá báðum liðum og bæði lið kvörtuðu mikið í dómaranum. Mér fannst Elli dæma þetta mjög vel í dag ásamt teyminu. Góð stjórn á leiknum og stóru ákvarðanirnar nelgdar.