Mér fannst HK-ingar heilt yfir betri í leiknum en þegar það var meira en mínúta liðinn af uppbótartímanum í seinni hálfleik jöfnuðu HK-ingar sem réði úrslitum.

Jöfnunarmark Brynjars Snæs Pálssonar í blálokin. Gerði það að verkum að Fylkir er fallið núna og að HK á ennþá séns. Rúnar fékk rautt líka í kjölfarið. Eitt stærsta mark sumarsins fyrir margar sakir.

Fylkir er fallið niður í Lengjudeildina en HK-ingar eru 5 stigum frá öruggu sæti þegar tveir leikir eru eftir.

Fylkir er fallið eftir býsna erfitt sumar. Það hefur margt gengið á bæði innan sem utan vallar. Yfirlýsingar, brottrekstur aðstoðarþjálfara, kvennaliðið féll, leikmaður liðsins ásakaður um rasisma, fréttir og yfirlýsingar um að leikmenn fá ekki greitt og margt margt fleira. Þetta er vondur dagur og vont sumar fyrir Fylki.

Pétur hefur átt betri leiki. Ég set spurningarmerki við hvað það var miklu bætt við og líka miklu bætt við uppbótartímann. Síðan átti HK að fá pjúra vítaspyrnu í fyrri hálfleik þegar Ásgeir Eyþórsson fær boltann í hendina. Þetta eru risa atvik þar sem Pétur klikkar. HK hefur aldrei fengið vítaspyrnu í sumar sem er magnað.