Kári Snorrason @karisnorra

Textalýsing Skýrslan

Hvað réði úrslitum? Breiðablik héldu mun betur í boltann og ógnuðu mun meira. Valsmenn ógnuðu þó úr skyndisóknum og refsuðu fyrir mistök Blika. Ef lífið væri sanngjarnt hefðu Breiðablik tekið stigin þrjú. Stórar vörslur frá Frederik Schram silgdu stiginu heim fyrir Valsmenn. Bestu leikmenn 1. Davíð Ingvarsson Skoraði tvö mörk í dag og var frábær í leiknum, Davíð getur farið sáttur á koddann í kvöld. 2. Tryggvi Hrafn Haraldsson Tryggvi spilaði með sprungu í ristinni, mögulega ristarbrotinn en skoraði frábært mark og lagði upp. Magnaður maður. Atvikið Þessar vörslur hjá Frederik Schram undir lok leiks. Sérstaklega frá þrumufleyg Höskuldar. Ég og eflaust flestir bjuggumst við sigurmarki frá Blikum en Frederik Schram kom í veg fyrir það.

Hvað þýða úrslitin? Breiðablik og Víkingur eru jöfn að stigum, skemmtilegt hvað liðin eru samstíga. Til þess að fá úrslitaleikinn sem alla dreymir um, þarf Breiðablik að vinna eða gera jafntefli við Stjörnuna í næsta leik. Sterkt stig fyrir Valsmenn sem eru með eins stigs forskot á Stjörnunna í baráttunni um Evrópusæti. Vondur dagur Viktor Örn Margeirs og Arnór Gauti litu illa út í fyrsta marki leiksins. Fyrir utan það var heildarframmistaða þeirra góð og erfitt að skella þessari nafnbót á þá. Aron Jóhannson fagnaði í andlitið á Arnóri Gauta í seinna marki Vals. Veit ekki hvað fór þeirra á milli áður en óþarfi að gera þetta. Enginn sem átti skelfilegan dag þannig ég skelli þessu á Aron fyrir fögnuð sinn. Dómarinn - 5 Elías Ingi og félagar fengu ekki auðveldasta leikinn til að dæma. Boltinn fór greinilega í hendina á Herði Inga í teig Valsmanna en ekkert dæmdi Elías. Boltinn var á leið á markið áður en hann fór í hendina á Herði, í mínum bókum er það a.m.k. víti. Ég sleppi þeim við fall vegna þess að þessi handarregla er fáranleg og get ég aldrei sagt hvað er víti og ekki víti þegar boltinn fer í hendina á leikmanni.