Jói Berg tekur skot í vegginn og dómarinn flautar til leiksloka.

Þetta var pirrandi en svona er þetta stundum.

Ísland fær aukaspyrnu rétt fyrir utan teig. Frábært skotfæri.

Jói Berg og Arnór Ingvi standa yfir boltanum.

Jói Berg með hörku skot þegar boltinn dettur fyrir hann rétt fyrir utan teig!

Þessi hefði alveg mátt fara bara inn.

Tyrkir að reyna prjóna sig í gegnum vörn Íslands en Hákon Rafn nær til boltans.

ÞARNA!!!!!! ANDRI LUCAS ÞÚ FALLEGI MAÐUR! #fotboltinet

— Matti Matt. Hann/Him (@mattimatt) October 14, 2024

Sá Pólski og teymið hans er að flauta okkur úr leik í þessum leik. VAR er bara notað eftir hentusemi og stillimynd. Hvaða þvælu er ég að verða vitni að hérna? Þetta er hendi og seinna gula og þar með rautt.
Á ekki til orð! #fotboltinet

— Orri Rafn Sigurdarson (@OrriRafn) October 14, 2024

VAR skoðar þetta og dómari leiksins veifar þessu frá!

Þetta leit úr fyrir að vera pjúra víti miðað við setta línu í þessum leik!!

HEYRÐU!!!!

ÍSLAND Í STÓRSÓKN OG ÞETTA HLÍTUR BARA AÐ VERA VÍTI!!?!

Vandræðagangur hjá Tyrkjum og þeir bjarga á línu! Þetta leit út fyrir að fara í hendina á Demiral!

VAR að skoða þetta.

“Já okei áttu freeze frame af momentinu sem boltinn snertir höndina? Flott, takk fyrir þetta er víti” what a joke

— Jói Skúli (@joiskuli10) October 14, 2024

Jaaahérnahér.....

Boltinn fer í hendina á Andra Lucas og Tyrkia fá víti eftir VAR athugun.

Trui því ekki ef Tyrkir eiga að fá annað víti.

Kenan Yildiz með tilraun úr þröngu færi og Tyrkir fá horn.

Það hefur ekki verið alveg sami kraftur í Íslenska liðinu í síðari.

Tyrkir liggja aðeins á Íslenska liðinu þessa stundina en Íslenska liðið hefur sýnt að þeir eru stórhættulegir í skyndisóknum.

Tyrkir eru komnir mjög ofarlega á völlinn sem er að opna svæði á bakvið Tyrknesku vörnina.

Logi Tómasson með frááábæra tæklingu þegar Kerem Akturkoglu er að komast á ferðina og sleppa einn í gegn.

Mikael Anderson kemst í fína stöðu og reynir að koma með boltann inn á teig en Tyrkir sparka í horn.

Aldrei skipta um gras. Engan nýjan völl. Við þurfum svona hluti.

— Arnar Sveinn (@arnarsveinn) October 14, 2024

Hendi á Sverri Inga er niðurstaða eftir VAR athugun..

Kenan Yildiz með hörku skot framhjá og leikurinn stövðast.

Það er VAR... Það er verið að skoða hvort þetta hafi verið hendi.

Arda Guler með skot sem fer af varnarmanni og Tyrkir heimta víti! Vilja meina að hann hafi farið í hendina á Íslensku vörninni.

Arda Guler með fyrirgjöfina og Irfan Can Kahveci nær skallanum að marki sem Hákon Rafn ver frábærlega!

Hakan Calhanoglu með fyrirgjöf sem fer af Jóa Berg og verður að skoti í utanverða stöngina.

Það er kraftur í Tyrkjum.

Tyrkir fá hornspyrnu úr þessu og ógna marki Íslenska liðsins en Hákon Rafn rís á endanum upp og hirðir boltann.

Tyrkir fá aukaspyrnu á flottum stað fyrir fyrirgjöf.

Hakan Calhanoglu stillir sér upp með boltann.

Tyrkirnir sparka þessu af stað aftur.

Þessi fyrri hálfleikur upp á 10 hjá strákunum. Verjumst vel og beitum hröðum skyndisóknum sem enda alltaf með slútti.
Seinni hálfleikur gegn ????????????????????????????og fyrri hálfleikur í kvöld ein besta frammistaða sem ég hef séð lengi á Laugardalsvelli.
Valgeir og Logi að eigna sér bakvarðastöðurnar

— Orri Rafn Sigurdarson (@OrriRafn) October 14, 2024

Íslenska liðið leiðir hérna í hálfleik.

Fáum vonandi svipaða frammistöðu í þeim síðari frá okkar strákum.

Ferdi Kadioglu með tilraun beint á Hákon Rafn.

Kerem Akturkoglu fer einn á einn á móti Sverri Inga og kemur með sendingu inn á hættusvæðið en sem betur fer var enginn Tyrki mættur þangað og Ísland kemur þessu burt.

Kenan Yildiz fer illa með Valgeir Lunddal en Islendingar koma þessu í horn.

Logi Tómasson með hörkuskot fyrir utan teig en Cakir er í stökustu vandræðum með en Tyrkir ná að koma boltanum frá!

Gult á þetta. Á að vera 15 yarda viti. Horsecollar tackle. #fotboltinet

— Magnus Bodvarsson (@MBodvarsson) October 14, 2024

Hákon er heldur betur búin að stimpla sig inn sem okkar fyrsta val í markinu en ég vil sjá hann koma meira af línunni. Miðverðirnir okkar eru reglulega að berjast um háa bolta sem Hákon ætti að vera koma út og hirða #fotboltinet

— Sverrir Gauti (@SGAUTI2) October 14, 2024

Íslenska liðið fékk tvær hornspyrnur sem ekkert kom úr.

Íslenska liðið fær hornspyrnu.

Orkun Kökcu með fyrirgjöf fyrir mark Íslendinga á fjærstöng en Tyrkir ná ekki að komast á endan á henni.

Kerem Akturkoglu með tilraun sem Hákon Rafn ver.

Langur bolti fram og Valgeir Lundal skallar boltann fyrir Orra Stein sem tekur vel á móti boltanum og lætur vaða rétt framhjá!

Orri Steinn í færi en Cakir ver þetta vel!

Flaggið fer svo á loft.

Tyrkir að stinga Kerem Akturkoglu í gegnum hjartað á vörn Íslendinga en Hákon Rafn vel á verði og kemur út á móti.

Tyrkir að ógna! Akturkoglu finnur Arda Guler í teignum en skotið hátt yfir.

Tyrkir að finna óþarflega mikið af opnunum í vörn Íslendinga.

Íslenska liðið komast í yfirtölu á vallarhelmingi Tyrkja en Mikael Egill nær ekki að koma boltanum fyrir og hann endar í fanginu á Cakir.

Tyrkir reyna að koma með fyrirgjöf fyrir markið og Arda Guler á ekkert spes skalla að marki Íslendinga.

Tvær hornspyrnur en Íslendingar náð að skalla báðar frá.

Tyrkir fá hornspyrnu.

Eiga það til að vera mjög hættulegir í föstum leikatriðum eins og við sáum á EM.

Iron Mike X Orri Steinn er betra combó en snúður og kókómjólk #fotboltinet

— Orri Rafn Sigurdarson (@OrriRafn) October 14, 2024

Orri Steinn aðeins of ágengur fremst og dæmdur brotlegur.

Það er hugur í okkur Íslendingum.

Kerem Akturkoglu að komast í ákjósanlegt færi en flaggið á loft.

Tyrkir að gera sig líklega en Íslendingar halda þeim í skefjum.

Alvöru byrjun hjá Íslenska liðinu hérna í kvöld.

Hakan Calhanoglu lætur vaða fyrir utan teig en Hákon Rafn sér vel við honum.

Sturlað vel gert hjá Iron Mike að senda þennan bolta og hvernig Orri klárar færið af yfirvegun ????????#fotboltinet

— Matti Matt. Hann/Him (@mattimatt) October 14, 2024

Nei ég meina ha? Ég hef bara semi aldrei séð svona á Laugardalsvellinum….

— Jói Skúli (@joiskuli10) October 14, 2024

Áfram Ísland!!

23. Ugurcan Cakir (m)
2. Zeki Celik
3. Merih Demiral
6. Orkun Kökcu
7. Kerem Akturkoglu
8. Arda Guler
10. Hakan Calhanoglu
11. Kenan Yildiz
14. Abdulkerim Bardakci
17. Irfan Can Kahveci
20. Ferdi Kadioglu

Age Hareide, landsliðsþjálfari Íslands, gerir fjórar breytingar á byrjunarliðinu frá 2-2 jafnteflinu gegn Wales.

Logi Tómasson, sem var hetjan í þeim leik, kemur auðvitað inn í liðið fyrir Kolbein Birgi Finsson.

Stefán Teitur Þórðarson og Jón Dagur Þorsteinsson eru í leikbanni og inn fyrir þá koma Mikael Neville Anderson og Arnór Ingvi Traustason.

Mikael Egill Ellertsson kemur þá inn fyrir Willum Þór Willumsson.

1. Tyrkland - 7 stig
2. Wales - 5 stig
3. Ísland - 4 stig
4. Svartfjallaland - 0 stig

Efsta liðið fer upp í A-deild, liðið í öðru sæti fer í umspil um að komast í A-deild, liðið í þriðja sæti fer í umspil um að halda sér í B-deild og liðið í neðsta sæti fellur í C-deild.

Við Íslendingar þekkjum það að gott gengi í Þjóðadeildinni getur fært okkur nær stórmóti. Við höfum tvisvar farið í umspil í gegnum Þjóðadeildina.

Fór illa með okkur í Izmir fyrir um mánuði síðan. Hann skoraði þrennu í leiknum. Í sumar var þessi skeinuhætti sóknarmaður keyptur til Benfica í Portúgal.

Saga Akturkoglu er merkileg. Þegar hann var tíu mánaða gamall týndist hann undir rústum eftir jarðskjálfta upp á 7,6 á richter sem reið yfir um miðja nótt í heimaborg hans Izmit.

Afi Akturkoglu var borgarstjóri í Izmit og stýrði leitinni að honum. Barnið fannst heilt á húfi og fjölskylda hans slapp öll úr þessum harmleik.

Snemma á síðasta ári riðu stórir skjálftar aftur yfir Tyrkland og Akturkoglu sinnti þá hjálparstarfi og hjálpaði fólki sem varð fyrir áfalli. Þá bauð hann upp boltann sem hann fékk eftir að hafa skorað þrennu gegn Istanbul Basaksehir og ágóðinn fór í hjálparstarf.

„Ég setti mig í spor þessa fólks og reyndi að skilja tilfinningar þess. Ef ég gat gefið þeim smá von þá hafði ég afrekað eitthvað. Ég talaði við fólk sem hafði misst fjölskyldumeðlimi. Ég tók þátt í sorg þeirra og reyndi að hughreista það. Þakklæti þeirra gerði mikið fyrir mig," sagði Akturkoglu í viðtali við Athletic í desember.

Ísland hefur haft gott tak á Tyrklandi að undanförnu og hefur vinninginn í innbyrðis viðureignum þessara liða; eins ótrúlegt og það er ef við miðum við fólksfjölda. Síðasti leikur gegn Tyrklandi - sem var í síðasta mánuði - fór hins vegar ekki vel en við töpuðum honum 3-1. Við erum hins vegar komnir heim núna og þá eigum við að gera betur.

Það eru tveir leikmenn Íslands í banni í kvöld eftir að hafa fengið gult spjald gegn Wales. Það eru Jón Dagur Þorsteinsson og Stefán Teitur Þórðarson.

Strákarnir spiluðu síðast gegn Wales á föstudagskvöld og endaði sá leikur með 2-2 jafntefli. Okkar menn lentu 2-0 undir en voru frábærir í seinni hálfleik og áttu að vinna leikinn. Vonandi ná þeir að taka frammistöðuna úr seinni hálfleiknum gegn Wales inn í leikinn í kvöld.

Logi Tómasson var hetja Íslands en hann kom inn af bekknum og skoraði tvennu.

Óvissa var með það hvort leikurinn færi fram út af ástandi Laugardalsvallar.

Laugardalsvöllur er ekki upphitaður og er viðkvæmur á þessum árstíma þegar frost er úti.

Leikið var á honum á föstudaginn þegar Ísland og Wales gerðu 2-2 jafntefli.

Leikurinn í kvöld er síðasti leikur ársins á Laugardalsvelli en svo verður ráðist í framkvæmdir þar sem sett verður hybrid-gras á völlinn.

Og verið velkomin í beina textalýsingu frá leik Íslands og Tyrklands í Þjóðadeildinni.