Kári Snorrason @karisnorra

Textalýsing Skýrslan

Hvað réði úrslitum? Danmörk mun betra liðið í kvöld. Tilfinningin mín var þó að þeir hefðu bara verið í þriðja gír. Spurning í hvaða gír íslenska liðið var þá í. Bæði lið höfðu að engu að keppa en Danir höfðu þegar tryggt sér á EM. Þó svo að Danir höfðu verið mun meira með boltann óðu þeir ekki í færum framan af leik. En við gáfum þeim tvö ódýr mörk og létu þeir það sér nægja. Bestu leikmenn 1. Andri Fannar Baldursson Erfitt að velja einhverja úr íslenska liðinu. Andri var fínn í dag en ekkert mun meira en það. 2. Danijel Dejan Djuric Danijel kom inná með mikinn kraft í seinni hálfleik og var helsta ógn Íslands eftir innkomuna. Atvikið Fyrir stuðningsmenn Chelsea þá eru það meiðsli Filip Jørgensen. Hann og Oliver Nielsen skullu saman í lok fyrri hálfleiks og neyddist hann til að fara af velli í hálfleik.

Hvað þýða úrslitin? Danmörk fer á EM í Slóvakíu en ekki Ísland. Vondur dagur Úff, það eru nokkrir sem gætu dottið hingað inn. Daníel Freyr og Lúkas Petterson litu báðir skelfilega út í seinna marki Dana þegar það var einhver misskilningur á milli þeirra og hvorugur reyndi við boltann, sóknarmaður Dana komst þá í boltann og skoraði af stuttu færi. Í fyrra marki Dana var varnarleikur Íslands sömuleiðis slæmur, Chukwuani var alveg óvaldaður í teig Íslands og fékk tíma til að athafna sig. Hilmir Rafn Mikaelsson var tekinn útaf í hálfleik en maður sá hann varla í leiknum, reyndar erfitt að reyna gera eitthvað sóknarlega þegar við héldum varla í boltann. Dómarinn - 9 Fíla að dómarinn hafi rifið upp fyrsta gula spjaldið eftir tíu sekúndur. Heilt yfir mjög flottur í dag ekkert við tríóið að sakast.