Haraldur Örn Haraldsson @haraldur_orn

Textalýsing Skýrslan

Hvað réði úrslitum? Stjörnumenn sóttu virkilega vel á köflum en oftar en ekki var það Anton Ari sem sá við þeirra skotum í kvöld. Blikarnir virkuðu aðeins stressaðir þar sem það var gríðarlega mikið í húfi. Þeir náðu þó að sigrast á því, vörðust vel og nýttu færin sín mjög vel. Karakter sigur hjá Blikum sem hefði auðveldlega getað farið á annan hátt. Bestu leikmenn 1. Anton Ari Einarsson (Breiðablik) Anton hélt Blikum inn í leiknum þegar Stjarnan var að þjarma að þeim. Einhverjir hefðu mögulega viljað að hann gerði betur í markinu sem Stjarnan skorar en það kemur ekki að sök þar sem Blikar unnu leikinn. 2. Höskuldur Gunnlaugsson (Breiðablik) Fyrirliðinn stendur alltaf fyrir sínu. Barðist gríðarlega vel á miðjunni og skoraði sigurmarkið. Gríðarlega mikilvægt mark, aðallega fyrir taugarnar hjá Blikum þar sem eftir þetta mark var greinilega aðeins auðveldara að slaka á. Atvikið Sigurmarkið sem Höskuldur skorar. Gríðarlega gott hlaup upp kantinn hjá Kristni Jónssyni og góð sending á Höskuld sem klárar þetta vel. Spennan var farin að vera áþreifanleg á vellinum og þetta létti allt fyrir Kópavogsbúa.

Hvað þýða úrslitin? Það verður úrslitaleikur um Íslandsmeistaratitilinn næsta sunnudag þegar Breiðablik fer í Fossvoginn að mæta Víkingum. Stjarnan er enn í Evrópu séns en þeir þurfa að treysta á að Valur tapar fyrir ÍA og þeir þurfa svo að vinna FH. Vondur dagur Enginn sem átti eitthvað skelfilegan leik í dag. Ísak Snær er líkast til aðeins lemstraður eftir leikinn. Hann fékk vont högg í lok fyrri hálfleiks og lenti síðan illa á stönginni í seinni hálfleik. Hann kláraði samt 91 mínútu, en það gæti verið að hann þurfi aðeins að plástra sig fyrir loka leikinn um næstu helgi. Dómarinn - 7 Fín frammistaða hjá Jóhanni Inga og hans teymi. Mér fannst línan ekki alltaf eins í leiknum en ekkert stórvægilegt sem hægt er að kvarta yfir.