Kári Snorrason @karisnorra

Textalýsing Skýrslan Viðtöl

Hvað réði úrslitum? Cercle Brugge byrjuðu leikinn mun betur og komust snemma yfir. Það var eins og Víkingar vöknuðu við það og jöfnuðu þeir aðeins um mínútu eftir á. Víkingar fundu svæði á köntunum og nýttu þeir þau vel. Undir lok fyrri hálfleiks voru Víkingar allsráðandi og hreint ótrúlegt að þeir leiddu ekki í hálfleik. Í seinni hálfleik héldu Cercle menn betur í boltann en sköpuðu lítið. Víkingar nýttu sér skyndisóknir og föst leikatriði vel og komust í 3-1. Í stöðunni 3-1 hafði ég aldrei á tilfinningunni að Cercle Brugge væri að fara koma til baka. Ótrúlegt en satt þá vann Víkingur afar sanngjarnan sigur á Cercle Brugge. Bestu leikmenn 1. Ari Sigurpálsson Ari skoraði frábært mark og kom Víkingum á bragðið. Óheppinn að skora ekki annað mark. Ari var nálægt því að gefa stoðsendingu á Djuric en Delanghe varði vel í marki gestanna. 2. Gísli Gottskálk Þórðarson Erfitt val allir hjá Víkingum geggjaðir. Gísli stóð þó uppúr. Átti góða stoðsendingu í síðasta marki Víkinga. Erlingur Agnars, Gunnar Vatnhamar eiga einnig lof skilið. Atvikið Mark Ara kom aðeins um mínútu eftir mark Cercle Brugge. Það kom Víkingum á bragðið og varð spilamennska Víkinga frábær eftir markið.

Hvað þýða úrslitin? Víkingur er fyrsta íslenska liðið til að vinna leik í aðalkeppni í Evrópu, sögulegur sigur. Víkingar fá um 62 milljónir í lommen fyrir þennan sigur, það er alltaf fínn bónus. Vondur dagur Var með Danijel Dejan á blaði en voðalega erfitt að gefa einhverjum úr Víking þessa nafnbót eftir svona stóran sigur. Danijel klúðraði víti og missti boltann í marki gestanna. En kvittaði svo fyrir mistökin með marki á 76. mínútu. Dómarinn - 6 Nokkrar minniháttar skrýtnar ákvarðanir á vellinum. Tríóið studdist við VAR svo það er erfitt að setja eitthvað út á stóru atvikin.