Kári Snorrason @karisnorra

Textalýsing Skýrslan Viðtöl

Hvað réði úrslitum? Blikar voru með einhverja orkumestu frammistöðu sem ég hef séð. Pressuðu Víkingana hátt og gáfu ekki tommu eftir. Breiðablik miklu grimmari. Ágæt tölfræði sem segir sitt um leikinn er að Blikar brutu 26 sinnum en Víkingar 7 sinnum. Stórkostlega útfærður leikur hjá Blikum sem unnu sanngjarnt. Bestu leikmenn 1. Ísak Snær Þorvaldsson Ísak var magnaður í dag. Varnarmenn Víkinga réðu ekkert við hann. Skoraði einnig tvö góð mörk. 2. Höskuldur Gunnlaugsson Fyrirliði Breiðabliks var magnaður í dag, væri til að sjá hlaupatölur hjá Höskuldi. Frábær varnarlega sem sóknarlega. Atvikið Þriðja mark Blika. Alltaf hafði ég trú á því að Víkingar myndu minnka muninn og koma til baka. Mark Arons Bjarnasonar slökkti gjörsamlega í Víkingum og tryggði Breiðablik sinn þriðja Íslandsmeistaratitil.

Hvað þýða úrslitin? Breiðablik eru Íslandsmeistarar 2024. Vondur dagur Oliver Ekroth fannst mér mjög slakur og ekki tilbúinn í þennan leik. Ísak Snær fór illa með hann. Dómarinn - 6 Gífurleg pressa að dæma þennan leik en Vilhjálmur Alvar og félagar stóðu sig heilt yfir með prýði. Leikurinn var mikið stopp í byrjun leiks en það lagaðist sem leið á. Sleppir reyndar að dæma víti undir lok leiks þegar Ingvar Jónsson tæklar Kristófer Inga. Það voru stærstu mistök leiksins.