Frakkland ná að halda þetta út eftir mjög pirrandi uppbótartíma. Ég þakka fyrir samfylgdina í dag og minni á viðtölin sem detta inn á síðuna innan skamms eftir leik.

Frakkar að tefja vel og innilega. Nánast ekkert gerst til þessa í þessum uppbótartíma.

Við liggjum á franska liðinu þessa stundina. Mikill kraftur í íslenska liðinu með tilkomu varamannanna. Er einhver dramtík í þessu fyrir okkur?

Eugenie Le Sommmer leikjahæsti leikmaður í sögu franska kvennalandsliðsins. Leikur númer 199 hjá henni.

Ingibjörg minnkaði muninn með alvöru íslensku marki. Frakkar réðu ekki við hornspyrnu Karólínu og Ingibjörg var rétt kona á réttum stað ???????? pic.twitter.com/KBkUjcGWeR

— RÚV Íþróttir (@ruvithrottir) February 25, 2025

Diani fær boltann rétt fyrir utan teiginn og tekur skotið í fyrsta sem fer í þverslána. Þvílíkt skot hjá Diani, þarna vorum við heppin!

Bacha tekur spyrnuna inn á teiginn en það er brotið á Andreu og Ísland á boltann.

Aftur erum við að tapa boltanum rétt fyrir utan okkar vítateig. Geyoro tekur skotið af löngu færi sem Cecilía ver.

2-1 flott í hálfleik.
Þýðir ekki að mæta í svona leik gegn ???????? og verjast á 9 leikmönnum og bomba boltanum fram í hvert skipti sem við fáum ?? þurfum að anda.
Erum undir á öllum sviðum.
Föst leikatriði að bjarga okkur líkt og oft áður. Þurfum skipulagðari sóknarleik #fotboltinet

— Orri Rafn Sigurdarson (@OrriRafn) February 25, 2025

Boltinn fer í gegnum allan pakkann á Baltimore sem kemur honum aftur fyrir. Diani nær að skalla boltanum en hann fór framhjá sem betur fer.

Seinni hálfleikurinn byrjar afar rólega. Ísland að ná að halda aðeins betur í boltann en annars lítið að frétta.

Frakkar byrja með boltann í þeim síðari. ÁFRAM ÍSLAND!

Klaufalegar fjórar mínútur hjá Íslandi gerir það að verkum að Frakkland fer inn í hálfleikinn með eins marks forskot. 45 mínútur eftir en íslenska liðið hefur verið að stíga upp þegar það leið á hálfleikinn.

Ellert B. Schram lést á dögunum og Ísland spilar með sorgarbönd í kvöld til að votta honum og aðstandendum virðingu.

Vonandi gefur mark Karólínu Íslandi byr undir báða vængi. Verður erfitt að snúa þessu við, ljóst að við megum ekki fá á okkur annað mark.

Brotið á Sveindísi fyrir utan teiginn og Ísland fær aukaspyrnu á hættulegum stað.

Sveindis Jane fær sendingu upp völlinn frá ingibjörgu og reykspólar varnarmann frakka gjörsamlega. Hún keyrir niður við endalínu inn á teignum og kemur með boltann út í teiginn á Karólínu sem nær ekki að stýra boltanum á markið. Markið var autt og eina sem Karólína þurfti að gera var að koma boltanum á markið. Lang hættulegasta færi leiksins til þessa.

Karólína Lea fékk hættulegt færi snemma leiks ???????? pic.twitter.com/WBKKYBsksh

— RÚV Íþróttir (@ruvithrottir) February 25, 2025

Leikurinn byrjar eins og menn voru búnir að sjá hann fyrir sér. Frakkar halda meira í boltann og frekar lítið að frétta varðandi færasköpun. Íslenska liðið liggur niðri og íslenska vörnin stendur þétt.

Ingibjörg með slaka sendingu úr varnarlínu Íslands sem Sakina kemst fyrir en skotið var sem betur fer laust og Cecilía í engum vandræðum.

Okkar konur eiga upphafssparkið í kvöld. ÁFRAM ÍSLAND!

Liðin eru komin út á völl ásamt dómurunum. Íslenski þjóðsöngurinn er búinn og nú fáum við þann franska.

Þorsteinn Halldórsson gerir fjórar breytingar frá markalausa jafnteflinu gegn Sviss. Áslaug Munda Gunnlaugsdóttir, Guðný Árnadóttir, Andra Rán Snæfeld Hauksdóttir og Sandra María Jessen koma allar inn í liðið á meðan Dagný Brynjarsdóttir, Hlín Eiríksdóttir, Guðrún Arnardóttir og Emilia Kiær Ásgeirsdóttir taka sér sæti á bekknum. Lið Íslands: 1. Cecilía Rán Rúnarsdóttir (m) 3. Sandra María Jessen 4. Glódís Perla Viggósdóttir (f) 6. Ingibjörg Sigurðardóttir 8. Alexandra Jóhannsdóttir 9. Áslaug Munda Gunnlaugsdóttir 10. Karólína Lea Vilhjálmsdóttir 16. Andrea Rán Snæfeld Hauksdóttir 19. Sædís Rún Heiðarsdóttir 20. Guðný Árnadóttir 23. Sveindís Jane Jónsdóttir Lið Frakklands: 16. Pauline Peyraud-Magning (m) 4. Thiniba Samoura 2. Maelle Lakrar 3. Wendie Renard (f) 13. Selma Bacha 8. Grace Geyoro 6. Sandie Toletti 7. Sakina Karchaoui 11. Kadidiatou Diani 12. Marie-Antoinette Katoto 17. Sandy Baltimore

Það er hin 35 ára gamla Alina Pesu sem dæmir leik Frakka og Íslands í Þjóðadeildinni í kvöld. Hún hefur verið alþjóðlegur dómari síðan árið 2019 og dæmt Evrópuleiki bæði hjá landsliðum og félagsliðum. Fyrir tveimur árum síðan hóf hún að dæma í karladeildinni í rúmensku deildinni. Hennar síðasti Evrópuleikur var einmitt hér í Frakklandi 17. desember síðastliðinn þegar hún dæmdi Meistaradeildarleik Lyon og Wolfsburg en Sveindís Jane Jónsdóttir spilaði með síðarnefnda liðinu í leiknum. Hún dæmdi einnig 3-0 sigur Bayern á Valerenga í nóvember en Glódís Perla Viggósdóttir landsliðsfyrirliði spilaði með Bayern í þeim leik og Sædís Rún Heiðarsdóttir með norska liðinu. Dómari: Alina Pesu Aðstoðardómarar: Daniela Constantinescu Catalina Nan Fjórði dómari: Ana Maria Terteleac

Leikurinn er vel auglýstur á skiltum um Le Mans og búist er við 8-9000 áhorfendum.

Góðan daginn og verið velkomin í beina textalýsingu frá Le Mans í Frakklandi. Hér mætast Frakkland og Ísland í Þjóðadeild kvenna klukkan 20:10 að íslenskum tíma og allt það helsta kemur hér í textalýsinguna.