Aron Birkir ver!! Þór er Kjarnafæðimótsmeistari!

Vítaspyrnukeppni framundan

8 mínútur í viðbót!! Maraþon

Viðar aftur í færi en skotið beint á Aron Birki

Viðar Örn tekur viðstöðulaust skot á lofti en hittir boltann illa. KA að hóta undanfarnar mínútur

William Tönning liggur eftir samstuð við Atla Þór. Þórsarar í stúkunni trylltir, vilja meina að það hafi ekki verið snerting.

Sigfús Fannar í nokkuð þröngu færi vinstra megin í teignum, nær skoti með vinstri og það fer í fjærstöngina og út. Snörp skyndisókn hjá Þórsurum.

https://play.spiideo.com/games/89acfb57-983b-4b72-8df9-09fa8015ef58

Viðar með skalla en Aron Birkir handsamar boltann.

Aron Birkir þarf aðhlynningu. Óhappateigur.

Eftir átta mínútna uppbótartíma er kominn hálfleikur. Afskaplega rólegur leikur til þessa.

45+6 Viðar við það að komast í dauðafæri en Kristófer Kató Friðriksson gerir frábærlega og bjargar sennilega marki með tæklingu.

45+2 Vilhelm skorar en rangstaða er dæmd. Mér sýndist hann sjálfur vinna boltann og skora svo, en Siggi flautaði og svo fór flagg á loft. Rodri var allavega ansi klaufalegur við eigin vítateig, en slapp.

Atli Þór með fyrirgjöf sem Clement kemst í inn á markteignum en þarf að teygja sig í boltann og Tönning þarf ekki að hafa mikið fyrir þessari vörslu.

Nýti kannski tækifærið og læt vita af því að það er akkúrat ekkert búið að gerast í leiknum frá því Ásgeir fékk sitt færi.

Valdimar Logi þarf aðhlynningu. Mikill meiðsla hálfleikur hjá KA.

Glæsileg fyrirgjöf frá Degi á fjærstöngina.

Stubbur þarf aftur aðhlynningu. Laus bolti sem hann handsamaði og leikmaður Þórs, Atli Þór, fór í markmanninn.

Stubbur þarf núna aðhlynningu.

Jóan fær höfuðhögg og röltir út af, Haddi sendir varamenn að hita. Jóan og Bjarni skullu saman í skallaeinvígi.

Ívar Örn Árnason er með fyrirliðabandið hjá KA.

Það styttist í upphafsflaut. Lýsingin í dag verður í gegnum síma og því einungis það allra helsta sem kemur inn. Byrjunarliðin má sjá hér til hliðanna; með því að smella á gulu (KA) og rauðu (Þór) liðsuppstillinguna.

KA hefur verið í markmannsleit eftir að Jonathan Rasheed, sem félagið fékk í sínar raðir í vetur, sleit hásin skömmu eftir komu sína til landsins. KA er búið að finna nýjan markmann því í hópnum í dag er William Tönning. Hann er 25 ára Dani, sem er líka með kanadískan ríkisborgararétt, sem samdi við Ängelholms í þriðju efstu deild Svíþjóðar í vetur. Hann hefur spilað í Danmörku, Bandaríkjunum, Svíþjóð, Færeyjum og Nýja-Sjálandi á sínum ferli. Hann er búinn að semja við KA.

Komnir Jóan Símun Edmundsson frá N-Makedóníu Jonathan Rasheed frá Svíþjóð (frá út tímabilið) William Tönning frá Svíþjóð Guðjón Ernir Hrafnkelsson frá ÍBV Ingimar Torbjörnsson Stöle frá FH (var á láni) Bjarki Fannar Helgason keyptur frá Hetti/Hugin (lánaður til baka) Farnir Daníel Hafsteinsson í Víking Sveinn Margeir Hauksson í Víking Elfar Árni Aðalsteinsson í Völsung Harley Willard á Selfoss Kristijan Jajalo til Austurríkis Darko Bulatovic til Svartfjallalands Jóan Símun er mættur aftur í KA Þór Komnir Yann Emmanuel Affi frá BATE Ibrahima Balde frá Vestra Clément Bayiha frá Kanada Franko Lalic frá Dalvík/Reyni Juan Guardia frá Völsungi Orri Sigurjónsson frá Fram Víðir Jökull Valdimarsson frá KH Pétur Orri Arnarson frá Kormáki/Hvöt (var á láni) Farnir Aron Einar Gunnarsson til Katar Birkir Heimisson í Val Auðunn Ingi Valtýsson til Dalvíkur/Reynis Marc Sörensen til Danmerkur Aron Kristófer Lárusson í HK Alexander Már Þorláksson Árni Elvar Árnason til Fjölnis Birgir Ómar Hlynsson til ÍBV á láni Bjarki Þór Viðarsson í Magna Elmar Þór Jónsson Clement Bayiha kom til Þórs frá Kanada

Markaskorarinn Viðar Örn er kominn í treyju númer níu eftir að hafa verið í treyju númer 23 á síðasta tímabili. Elfar Árni Aðalsteinsson var í treyju númer níu á síðasta tímabili og tímabilin þar á undan. Elfar Árni samdi við uppeldisfélagið Völsung í vetur.

Siggi Þrastar er með flautuna. Honum til aðstoðar eru þeir Patrik Freyr Guðmundsson og Sigurjón Þór Vignisson. Fjórði dómari er svo Aðalsteinn Tryggvason.

Úr færslu á miðlum KA Úrslitaleikur Kjarnafæðismótsins er á morgun, þriðjudag, þegar KA og Þór mætast í alvöru nágrannaslag kl. 18:00 á Greifavellinum. Einn af síðustu leikjunum fyrir alvöru sumarsins og hvetjum við ykkur eindregið til að mæta! Allur ágóði af miðasölu leiksins rennur til uppbyggingar á stofum fyrir líknandi meðferðir á Lyfjadeild SAk. Fyrir þá sem ekki komast verður leikurinn í beinni á Spiideo rás KA.

Verið velkomin í beina textalýsingu frá leik KA og Þórs í úrslitum Kjarnafæðimótsins. Leikurinn fer fram á Greifavellinum og hefst klukkan 18.