Öruggur sigur Víkinga staðreynd. Þeir voru heilt yfir talsvert betri aðilinn í kvöld og fara inn í Bestu deildinni á flugi.

Hætta í teig Víkinga eftir horn en KRingar finna ekki markið. Uppbótartími er tvær mínútur.

Sveinn Gísli fer niður og kveinkar sér en er fljótur upp og rýkur í Guðmund Andra.

Aron Elís vinnur boltann í teig KR og kemur honum á markið. Gestirnir ná þó að bægja hættunni frá með herkjum.

Heill haugur af skiptingum að eiga sér stað hér. Næ engan veginn að fylgja því öllu eftir en reyni að færa inn eins og tími gefst til.

Komið að KR að fá horn. Fengu annað til í þokkabót. Smá hætta eftir það seinna en Ingvar með allt á hreinu í rammanum.

Aftur vinna Víkingar boltann hátt á vellinum. Gylfi reynir skot en Halldór slær boltann yfir í horn. Víkingar brotlegir eftir hornið.

Helgi reynir að launa Valdimar greiðann með því að þræða boltann innfyrir á hann. Örlítið of framarlega fyrir Valdimar sem nær ekki að teygja sig í boltann.

Barátta Ástbjörns Þórðarsonar og Sveins Gísla á öðrum væng vallarinns í kvöld hefur verið skemmtileg. Ég myndi borga mig inn á boxbardaga þeirra á milli.

Kæruleysi í öftustu línu Víkinga og Eiður Gauti hársbreidd frá því að komast í dauðafæri en Ingvar vel á verði og bjargar.

Freista þess að þrýsta Víkingum niur og herja á þá. Ekki skapað sér færi úr því enn.

KRingar tæta vörn Víkinga í sig. Ástbjörn leggur boltann út í teiginn frá hægri þar sem Eiður Gauti er aleinn og óvaldaður en Ingvar ver gott skot hans með tilþrifum. KRingar dæmdir brotlegir í kjölfarið.

Uppúr aukaspyrnu er Helgi Guðjóns gripinn í landhelgi úti á kanti. Með alla línuna fyrir framan sig. Á að gera betur.

Gyrðir Hrafn fórnar hér höndum eftir að hafa verið dæmdur brotlegur gegn Valdimar Þór. Ég held hann hafi ýmislegt til síns máls. Fannst Valdimar hreinlega stíga á boltann.

Ekki var það merkilegt þó. Tarik af löngu færi fyrir Víkinga setur boltann hátt hátt yfir.

Víkingar sparka okkur af stað á ný. Óbreytt frá lokum fyrri hálfleiks hjá báðum liðum að mér sýnist.

Því miður setja meiðsli Stefáns Árna nokkuð dökkan blett á þennan annars ágæta leik sem nú hefur verið flautað til hálfleiks í. Víkingar heilt yfir sterkari aðilinn á vellinum en staðan er myndi ég segja nokkuð sanngjörn. Gestirnir úr KR verið að finna sér fínar stöður á vellinum en ekki tekist að gera sér mat úr því fyrr en í blálok hálfleiksins. Við komum aftur að vörmu spori með síðari hálfleikinn.

Gylfi reynir skot af 20 metrum en boltinn talsvert framhjá markinu.

KR vinnur hornspyrnu. Víkingar skalla frá og KRingar brjóta af sér.

Erlingur reynir hælspyrnu í teig KR eftir fyrirgjöf frá Helga en hittir boltann afleitlega.

Eflaust góðar 3-4 mínútur í uppbótartíma hér eftir þennan fyrri hálfleik.

Fyrirgjöf úr djúpinu frá hægri smellur í markslánni á marki Víkinga. Ingvar var alls ekki með þennan á hreinu.

Sveinn Gísli liggur á vellinum og þarfnast aðhlynningar. Vonum að það séu ekki fleiri að víkja vegna meiðsla. Hann er fljótur á fætur og virðist í lagi.

Víkingar spila sig í gegnum vörn KR og komast í færi. Gylfi með boltann fyrir markið en varnarmenn komast fyrir á síðustu stundu.

Hann virðist hafa farið illa á ökkla og er að öllum líkindum brotinn miðað við hvernig atvikið á sér stað. Blá blikkandi ljós renna í hlað og verið er að flytja hann á sjúkrahús.

Kristófer Orri með skot að marki eftir fína sókn KR en nær engum krafti í skotið sem Ingvar handsamar örugglega.

Stefán Árni er borinn af velli og mér sýnist að menn séu að kalla til sjúkrabíl til þess að flytja hann á Slysavarðstofuna. Óskum Stefáni skjóts bata og vonumst til að hann snúi aftur sem allra fyrst.

Það er enn verið að huga að Stefáni á vellinum og koma honum á börur. Vona innilega að þetta sé ekki of alvarlegt en miðað við áhyggjur manna af honum er ég ansi hræddur um að svo sé.

Aftur er Stefán Árni í atinu og fer niður eftir viðskipti við Daníel Hafsteinsson. Þetta lítur alls ekki vel út og sjúkraþjálfarar beggja liða og börur eru kallaðar til.

Fær boltann hægra megin í D-boganum og leggur hann fyrir sig á vinstri. Nær góðu skoti sem smellur í stönginni og rúllar eftir marklínunni en KR sleppur.

Frá miðjum vallarhelmingi Víkinga lyfta KRingar boltanum innfyrir á Finn Tómas sem nær ekki valdi á boltanum þó sem endar hjá Ingvari. Með herkjum þó.

Eftir þunga sókn dansar Stefán Árni Geirsson sig ínn á teig Víkinga og nær skoti. Nær ekki að halda boltanum niðri sem svífur yfir markið.

Viktor Örlygur í baráttu á miðsvæðinu vinnur boltann og keyrir af stað. Kemst að vítateig KR þar sem hann leikur á varnarmann og á skot á markið sem Halldór gerir virkilega vel í að verja.

Sækja hratt, Ástbjörn með boltann úti til hægri og kemur honum inn á teiginn. Örlítið of framarlega fyrir Atla sem nær þó fæti í boltann en Ingvar ekki í vandræðum með að handsama boltann.

Atli Sigurjóns með lúmskt skot eftir að hafa leikið inn á völlinn en Ingvar ver.

Víkingar eru í svipaðri uppstillingu og í umspilsleikjunum í Sambandsdeildinni. Tarik,Oliver og Sveinn Gísli í miðvörðum með Karl Friðleif og Helga í bakvörðunum. Gylfi og Daníel Hafsteinsson eru á miðjunni með Viktor og Erling á vængjunum og Valdimar á toppnum.

Valdimar Þór að sleppa í gegn eftir ágæta sókn Víkinga en flaggið fer á loft.

Þetta er farið af stað. Það eru KR-ingar sem hefja hér leik.

Gunnar Oddur Hafliðason flautar leikinn hér í dag. Honum til aðstoðar eru þeir Kristján Már Ólafs og Eysteinn Hrafnkelsson.

Þetta er í 13 skiptið sem Bose mótið er haldið og hefur það fest sig í sessi sem afar mikilvægur hluti af undirbúningstímabili liðanna. Riðlakeppnin spilaðist í nóvember/desember 2024 en ekki gafst tími til að spila úrslitaleikinn þar sem Evrópuævintýri Víkinga hélt áfram og það fram í febrúar, KR-ingar kláruðu sinn riðill með fullt hús stiga. Ákveðið var að spila leikinn í mars sem generalprufu beggja liða fyrir Bestu deildina. Allur aðgangseyrir rennur til góðgerðarmála í boði Bose, Víkings og KR Píeta samtökin (pieta.is) og Styrktarfélag krabbameinssjúkra barna (skb.is) fá allan aðgangseyrinn óskiptan afhentan í hálfleik. Verðlaun verða veitt fyrir sigurvegara mótsins, mann leiksins og 3 áhorfendaverðlaun, allt í boði Bose og Ofar. Veðurspáin er góð, klæða sig í úlpu og setja á sig húfu og mæta á völlinn. Miðinn er á 1000 kr. og rennur miðaverð óskipt í góð málefni. Náðu þér í miða hér Fyrir þá sem ekki komast er vert að benda á að leikurinn er í beinni útsendingu á Stöð 2 Sport 5 og að sjálfsögðu í beinni textalýsingu hér á Fótbolta.net

Það hafa verið hreyfingar líka á leikmannahópi Víkinga á milli tímabila og þó nokkrar stórar fréttir borist úr herbúðum þeirra þennan veturinn. Víkingar sóttu tvo Bikarmeistara norður yfir heiðar frá KA í vetur er þeir Daníel Hafsteinsson og Sveinn Margeir Hauksson gengu til liðs við félagið. Miðvörðurinn Róbert Orri Þorkelsson sneri heim úr atvinnumennsku sömuleiðis og kom í Víkina. Þá fengu Víkingar uppalinn leikmann til baka frá Triestina á Ítalíu þegar Stígur Diljan Þórðarson sneri heim á ný. Stærstu fréttir vetrarins voru þó án efa þegar Víkingar keyptu Gylfa Þór Sigurðsson af Val. Víkingar hafa líka misst stóra bita. Gísli Gottskálk Þórðarson var seldur til Lech Poznan í janúarglugganum. Þá fór Danijel Dejan Djuric til Króatíu og nú á dögunum var Ari Sigurpálsson seldur til Elfsborg í Svíþjóð. Allt leikmenn sem voru í stóru hlutverki hjá liðinu og skörð sem ekki er einfalt að fylla í. Komn­ir: Gylfi Þór Sig­urðsson frá Val Ró­bert Orri Þorkels­son frá Kongs­vin­ger (Nor­egi) Stíg­ur Dilj­an Þórðar­son frá Triest­ina (Ítal­íu) Atli Þór Jónas­son frá HK Daní­el Haf­steins­son frá KA Sveinn Mar­geir Hauks­son frá KA Kári Vil­berg Atla­son frá Njarðvík (úr láni) Sig­urður Stein­ar Björns­son frá Þrótti R. (úr láni) Farn­ir: Daði Berg Jóns­son í Vestra (lán) Ari Sig­urpáls­son í Elfs­borg (Svíþjóð) Ísak Daði Ívars­son í ÍR (var í láni hjá Gróttu) Danij­el Dej­an Djuric í Istra (Króa­tíu) Hrann­ar Ingi Magnús­son í Gróttu Gísli Gott­skálk Þórðar­son í Lech Pozn­an (Póllandi)

Það er óhætt að segja að talsverðar breytingar hafi átt sér stað á leikmannahópi KR frá því í fyrra. 11 leikmenn hafa yfirgefið félagið frá síðasta ári og þar er sennilega stærsta blóðtakan brottför Benóný Breka Andréssonar sem hélt til Stockport á Englandi. Aðrir sem voru í stóru hlutverki í fyrra eru t.a.m Alex Þór Hauksson og Axel Óskar Andrésson sem fóru í Stjörnuna og Aftureldingu. Óskar Hrafn kveikti þó á öllum vitum í Vesturbæ sem leiddu margan manninn vestur í bæ en alls hafa 13 leikmenn gengið til liðs við KR á þessum tímapunkti. Þemað er ungir og upprennandi leikmenn en nöfn eins og Júlíus Mar Júlíusson, Hall­dór Snær Georgs­son og Ró­bert Elís Hlyns­son eru mætt í KR. Þá gekk markakóngurinn Jakob Gunn­ar Sigurðsson til liðs við KR en hefur reyndar verið lánaður til Þróttar síðan. Komn­ir: Kristó­fer Orri Pét­urs­son frá Gróttu Al­ex­and­er Helgi Sig­urðar­son frá Breiðabliki Atli Hrafn Andra­son frá HK Eiður Gauti Sæ­björns­son frá HK Gabrí­el Hrann­ar Eyj­ólfs­son frá Gróttu Hall­dór Snær Georgs­son frá Fjölni Hjalti Sig­urðsson frá Leikni R. Jakob Gunn­ar Sig­urðsson frá Völsungi Július Mar Júlí­us­son frá Fjölni Matt­hi­as Præst frá Fylki Óli­ver Dag­ur Thorlacius frá Fjölni Ró­bert Elís Hlyns­son frá ÍR Vicente Val­or frá ÍBV Farn­ir: Jón Arn­ar Sig­urðsson Leikni R. (lán) Hrafn Guðmunds­son Stjörn­una Björg­vin Brimi Andrés­son Gróttu Dag­ur Bjarka­son Gróttu Óðinn Bjarka­son ÍR (lán) Theó­dór Elm­ar Bjarna­son KV Jakob Gunn­ar Sig­urðsson Þrótt R. (lán) Guy Smit í Vestra Alex Þór Hauks­son Stjörn­una Axel Óskar Andrés­son Aft­ur­eld­ingu Eyþór Aron Wöhler Fylki Rúrik Gunn­ars­son HK Beno­ný Breki Andrés­son Stockport

Líkt og áður segir er þetta síðasti leikur beggja liða áður en út í alvöruna í Bestu deildina er komið. Biðin eftir nýju tímabili og alvöru keppnisleikjum hefur þó verið mislöng hjá liðunum. KR hefur verið í þessum hefðbundna undirbúningsfasa síðan að Bestu deildinni lauk 2024. Bosemótið, Reykjavíkurmót og Lengjubikar eru öll næstum því að baki og alvaran hefst eftir rétt rúma viku. Víkingar hafa á sama tíma tekið þátt í Bose og Reykjavíkurmóti en hættu þáttöku í Lengjubikarnum um miðjan febrúar eftir að hafa leikið einn leik í mótinu vegna anna. Liðið fór alla leið í umspil um sæti í 16.liða úrslitum í Sambandsdeild Evrópu og má segja að tímabilinu 2024 hafi ekki formlega lokið hjá þeim fyrir en 20.febrúar síðastliðinn þegar liðið féll út í Sambandsdeildinni gegn Panathinaikos.

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá Víkingsvelli þar sem Víkingar og KR munu leiða saman hesta sína. Tilefnið er úrslitaleikur Bosemótsins sem alla jafna er fyrsta undirbúningsmót ársins hjá nokkrum liðum. Þannig var það líka í ár en Víkingar og KR sammældust um að bíða með úrslitaleik mótsins þar til nú og getum við vart annað en fagnað því. Bæði lið eru að leika sinn síðasta leik fyrir upphaf Bestu deildarinnar og megum við eiga von á hörkuleik. Víkingar blása til veislu og ætla sér að hafa umgjörð leikins eins og um leik í Bestu deildinni væri að ræða. Kveikt verður upp í grillinu og Hjaltested borgarar í boði, Sverrir Geirdal verður á mæknum og tónlistin mun óma fyrir leik. Vilji fólk svo gullnar guðaveigar með verður Frikkabar eflaust opinn líka.