Sigur Víkinga staðreynd. Ekki jafn sannfærandi og margir bjuggust við en sigur fyrir því. Viðtöl og skýrsla væntanleg.

Na upp álitlegri sókn, boltinn fyrir markið og Omar gerir sig líklegan í að ráðast á boltann. Ingvar á undan og rífur boltann til sín.

Þessi seinni hálfleikur verið hálf sérstakur. Rautt spjald og mörkin vissulega. En þess utan hefur lítið sem ekkert gerst.

Ná upp ágætis sókn sem endar með skoti frá Oliver úr hálf vonlausu færi sem fer víðsfjarri markinu.

Víkingar fá hornspyrnu, Flýta sér hægt.

Leikurinn í algjörum járnum og hvorugt lið að gefa nokkur færi á sér sem heita má. Baráttan allsráðandi.

Brotið á Sveini Gísla á miðjunni eftir kröftugt hlaup hans úr vörninni. Hörkutækling og Víkingar ósáttir en ekkert spjald á loft.

Víkingar ögn að koma til baka og náð að halda boltanum síðustu mínútur. Ekkert skapað sér þó.

Eins og gefur að skilja hafa Eyjamenn allir eflst við þessi atburðarrás hér í Víkinni. Ekki skapað sér færi til að tala um ennþá en halda boltanum mun betur og eru að stýra umferðinni.

Bjarki Björn með stórhættulega fyrirgjöf frá hægri en Hermann hálfu skrefi of seinn og nær ekki að stýra boltanum í netið úr teignum.

Flautað til hálfleiks hér í Víkinni. Gestirnir ganga sáttir til búningshergbergja í markalausri stöðu en Víkingar hafa ekki verið sjálfum sér líkir í þessu fyrri hálfleik. Vantar töluvert upp á tempóið í þeirra leik sem og tímasetningar.

Aron Elís liggur og kveinkar sér. Sýnist hann halda um hnéð. Ekki alvarlegt í það minnsta og er Aron komin á fætur.

Góðar sendingar inn á teiginn trekk í trekk en Eyjamenn lifa þetta af ennþá.

Boltinn dettur fyrir Viktor Örlyg vinstra megin í teignum eftir þunga sókn Víkinga en Marcel vel á verði og ver skot hans. Víkingar að herða skrúfurnar og hækka tempóið í leik sínum.

Smellhittir boltann sem virðist stefna beint í hornið vinstra megin á markinu. Marcel vel á verði og ver ekki síður glæsilega.

Víkingar að gefa Eyjamönnum eins og eitt horn með kæruleysi í öftustu línu. Verður þeim refsað?

Rétt ákvörðun hjá Helga að flauta ekki. Virkar afskaplega lítið í endursýningum.

Gylfi fer niður í teig ÍBV og hávær vítasköll heyrast frá Víkingum. Ég er ekki sannfærður. Þarf að sjá þetta aftur.

Sveinn Gísli með fyrirgjöf. Aron Elís fyrstur á boltann en skalli hans af varnarmanni og afturfyrir.

Arnór er í lagi og mættur aftur til leiks.

Arnór Ingi liggur eftir í eigin teig eftir þessa hornspyrnu og kveinkar sér. Við fyrstu sýn er eins og hann hafi mögulega fengið spark í höfuðið.

Frábær hornspyrna frá Gylfa ratar á kollinn á Gunnari Vatnhamar í teignum sem skallar boltann beint niður Upp hefst smá kraðak en boltinn að endingu í fang Marcel.

Erlingur með fyrirgjöf frá hægri, of há fyrir Valdimar en Viktor er mættur á fjærstöng. Eyjamenn setja boltann afturfyrir.

Felix Örn með gott hlaup upp vænginn og hættulega fyrirgjöf. Oliver gerir sig líklegan en Ingvar fyrri til á boltann.

Verið með boltann svona 70-80% á þessum upphafsmínútum en ekki fundið aðra opnun eftir þetta færi Gylfa áðan.

Vikingar sprengja upp vörn ÍBV með sendingu innfyrir á Svein Gísla. Hann kemur boltanum fyrir markið þar sem Gylfi mætir í hlaupið en setur boltann hárfínt framhjá.

Heimamenn sparka okkur af stað.

Halldór Smári Sigurðsson eða Herra Víkingur lagði skónna á hilluna frægu á dögunum. Hann er fyrir leik heiðraður af Víkingum með blómvendi og tilheyrandi.

Hjá Víkingi vekur athygli að nýr fyrirliði liðsins, Oliver Ekroth, er ekki í hópnum. Aron Elís Þrándarson er með bandið í fjarveru Svíans. Gylfi Þór Sigurðsson spilar sinn fyrsta deildarleik fyrir Víking í dag en hann kom frá Val í vetur. Sveinn Gísli Þorkelsson er við hlið Gunnars Vatnhamars í hjarta varnarinnar. Hjá ÍBV er Marcel Zapytowski í byrjunarliðinu en markmaðurinn gekk í raðir ÍBV í síðustu viku. Mattias Edeland er þá klár í slaginn en hann hefur verið talsver frá vegna meiðsla í vetur. Besti leikmaður Lengjudeildarinnar í fyrra, Oliver Heoðarsson, er í fremstu línu ásamt Breka Baxter en þeir Sverrir Páll Hjaltested, Arnar Breki Gunnarsson og Omar Sowe eru á bekknum.

Gylfi Þór Sigurðsson var á dögunum valinn besti leikmaður deildarinnar hér á Fótbolti.net, en það er spurning hvernig honum mun vegna í kvöld í fyrsta leik sínum í Bestu-deildinni fyrir Víkinga. Í fréttinni segir: Gylfi er besti- og markahæsti leikmaður landsliðsins í sögunni. Hann hafði verið hjá Val í tæplega ár áður en hann vildi skipti yfir í Víking. Hans stóra markmið er að vinna Íslandsmeistaratitilinn áður en ferlinum lýkur.

Dómarinn í Víkinni í dag er Helgi Mikael Jónasson. Helga til aðstoðar verða þeir Egill Guðvarður Guðlaugsson og Kristján Már Ólafs. Þá verður Jón Magnús Guðjónsson eftirlitsmaður og Þórður Þorsteinn Þórðarson varadómari.

Víkingi Reykjavík er spáð 2. sæti deildarinnar í spá Fótbolta.net fyrir Bestu-deildina. Eins og alþjóð veit þá skipti Gylfi Þór Sigurðsson frá Val yfir í Víking fyrr á þessu ári. Lykilmenn: Oliver Ekroth og Gylfi Þór Sigurðsson Nýr fyrirliði Víkinga er sænski varnarmaðurinn Oliver Ekroth Ekroth er 33 ára sænskur miðvörður sem hefur verið hjá Víkingi síðan 2022 og hjálpað liðinu að vinna titla undanfarin ár. Hann er án efa einn besti miðvörður Bestu deildarinnar. Gylfi er þá mættur í Víking og það þarf nú ekki að segja mikið um hann og þau gæði sem hann býr yfir. Verður eflaust frábær fyrir Víkinga í sumar.

Eyjamönnum er, í spá Fótbolta.net fyrir Bestu-deildina, spáð neðsta sætinu í deildinni. Það mun mæða mikið á þeim Oliver Heiðarssyni og Sigurði Arnari að halda liðinu uppi í deild þeirra Bestu. Lykilmenn: Oliver Heiðarsson og Sigurður Arnar Magnússon Oliver var besti leikmaður Lengjudeildarinnar í fyrra og þurftu Eyjamenn að leggja mikið á sig til að halda honum. Hann hefur gæði og kraft til að gera frábæra hluti í Bestu deildinni. Sigurður Arnar er Eyjamaður í húð og hár sem hefur mikla reynslu úr Bestu deildinni. Hann er kominn heim eftir að hafa leikið afar vel í háskólaboltanum í Bandaríkjunum.

Góðan og gleðilegan daginn og verið hjartanlega velkomin í þessa beinu textalýsingu frá Víkingsvelli, þar sem Víkingur Reykjavík og ÍBV mæta til leiks í Bestu-deild karla.