SKÝRSLAN: Valur vann í bragðdaufum leik
Hvað réði úrslitum?
Valur nýtti færið sem þurfti til að vinna þennan leik. Leikurinn bauð ekki upp á mikið en það var gríðarleg stöðubarátta á vellinum í kvöld enda tvö góð lið að mætast. Breiðablik reyndi að jafna leikinn undir lokin en Valur varðist til lokaflauts og sigraði leikinn 1-0
Bestu leikmenn
1. Natasha Anasi (Valur)
Natasha var frábær í kvöld. VÁ. Hún var með allt í hreinu í varnarleik liðsins, vann tæklingar, vann alla skallabolta og gerði Blikum lífið leitt í kvöld.
2. Tinna Brá Magnúsdóttir (Valur)
Var örugg í markinu hjá Val í kvöld þegar reyndi á hana. Greip í margar fyrirgjafir og var virkilega flott í kvöld.
Atvikið
Sigurmarkið - Fanndís fékk boltann og renndi boltanum fyrir markið og boltinn barst til Jasmínar sem kláraði færið sitt í netið.
Hvað þýða úrslitin?
Valur er meistari meistaranna árið 2025
Vondur dagur
Sóknarleikur Blika í kvöld var ekki nægilega góður en það var kannski fyrir það að varnarleikur Vals var frábær.
Dómarinn - 8
Sveinn og hans menn voru góðir í kvöld þótt það hafi ekki reynt mikið á teymið í leiknum.