ÍR-ingar völtuðu yfir Augnablik hér í seinni hálfleik og uppskáru sanngjarnan sigur. ÍR mætir Þór í Boganum eftir rúma viku í 32-liða úrslitum Mjólkurbikarsins.

Bergvinn Fannar í afbragðsfæri en Darri ver frábærlega í marki Augnabliks.

Halldór Atli, miðvörður Augnabliks liggur niðri. Stendur upp að lokum eftir smá pepp frá stuðningsmönnum.

Rétt í þessu voru ÍR-ingar að sigra Stjörnuna í úrslitakeppni Bónus deildar karla í körfubolta eftir dramatískar lokamínútur. Staðan því 2-1 fyrir Stjörnunni í einvíginu. Verður þetta tvöfaldur sigur á föstudegi hjá ÍR-ingum?

Boltinn fer einhvern veginn í Arnór Sölva og þaðan í stöngina hjá Augnablik.

Gestirnir byrja með boltann.

Það munar ekki minna um það, Kári Ársæls kynnir inn tvo efnilega dansara sem eru með samrýnt dansatriði í hálfleik.

Ásmundur flautar til hálfleiks. ÍR-ingar eflaust sanngjarnt yfir. Heimamenn hafa þó fengið nokkrar álitlegar stöður sem hefði mátt nýta betur.

Brynjar Óli glatar boltanum á skelfilegum stað, Bergvin Fannar er einn gegn markverði og lætur vaða en Darri ver vel í marki Augnabliks.

Nú fá heimamenn hornspyrnu, Vilhelm Þráinn grípur boltann eins og æfingabolta í marki ÍR.

Augnablik fær aukaspyrnu milli vítateigs og hliðarlínu. Spyrnan er slök og ÍR-ingar koma hættunni frá.

Renato Punyed með skot sem fer vel framhjá marki heimamanna.

Orri Bjarkarsson sýnist mér, með lúmskt skot úr teig ÍR sem Vilhelm ver vel.

Gestirnir mun hættulegri þessa stundina.

Bergvin Fannar með skot fyrir utan teig en Darri Bergmann ver örugglega í marki heimamanna.

Aftur fá ÍR-ingar hornspyrnu.

Eftir smá skallatennis úr hornspyrnunni, á Hrafn Hallgríms skalla yfir mark Augnabliks.

ÍR æða upp í skyndisókn, Arnór Sölvi tekur skot úr þröngri stöðu sem fer af varnarmanni og í hornspyrnu.

Augnablik ekkert hræddir við að pressa á ÍR hér á þessum upphafsmínútum.

Augnablik byrjar með boltann.

Liðin trítla inn á völlin, fólk byrjað að tínast inn og Kári Ársæls á micnum, allt eins og það á að vera! Kári eflaust besti vallarþulur landsins, þó víða væri leitað.

20:00 í Fífunni. ÍR kemur í heimsókn í 64-liða úrslitum Mjólkurbikarsins. pic.twitter.com/frTGqMsuf3

— Augnablik (@Augnablikid) April 11, 2025

Liðið sem ber sigur úr býtum í dag mætir Þórsurum í Boganum eftir rúma viku. Þór vann stórsigur á Magna í Mjólkurbikarnum í upphafi mánaðar, lokatölur 7-0. Í sömu umferð vann Augnablik sannfærandi 4-0 sigur á Árborg á útivelli.

ÍR-ingar hafa komið eflaust mörgum á óvart nú á undirbúningstímabilinu. Jóhann Birnir Guðmundsson tók við sem aðalþjálfari ÍR í vetur eftir að Árni Freyr Guðnason var ráðinn til Fylkis. Árni og Jóhann Birnir höfðu stýrt ÍR-liðinu saman en Jóhann Birnir er nú einn aðalþjálfari með Davíð Örvar Ólafsson sér til aðstoðar. ÍR hefur unnið frækna sigra gegn KR og Víkingi í Reykjavíkurmótinu, ásamt því að leggja FH og Aftureldingu af velli í Lengjubikarnum. Liðið var hársbreidd frá því að komast í úrslit Lengjubikarsins. En þeir lutu í lægra haldi gegn Val í vítaspyrnukeppni. Miklar breytingar hafa verið á ÍR-liðinu frá síðasta tímabili, Jóhann telur liðið þó vera á góðum stað þrátt fyrir að hafa þurft að fylla í stór skörð. ,,Við misstum nokkra stólpa í liðinu og erum að vinna að því að koma öllum saman á réttu blaðsíðuna. Það eru nýir menn í nokkrum stöðum en kjarninn er til staðar."

Augnablik sneru heim síðastliðinn miðvikudag frá Madeira þar sem liðið var í æfingaferð. Þeir hafa verið virkir að taka upp skemmtileg myndbönd frá ferðinni. Hér fyrir neðan má sjá eitt slíkt.

View this post on Instagram

A post shared by Augnablik (@augnablik.kk)

Heilir og sælir lesendur góðir og veriði velkomin í beina textalýsingu úr Fífunni. Þar sem Augnablik tekur á móti ÍR í 64-liða úrslitum Mjólkurbikarsins.