SKÝRSLAN: Andri Rúnar blómstrar í Garðabænum
Hvað réði úrslitum?
Leikurinn var mjög jafn og ef heimurinn væri sanngjarn hefði leikurinn eflaust endað sem jafntefli. Bæði lið fengu góðar stöður. Gæðin á síðasta þriðjung voru bara meiri hjá Stjörnunni og það skipti sköpum í dag.
Bestu leikmenn
1. Andri Rúnar Bjarnason
Andri frábær í dag. Skoraði gott mark og átti frábæra stoðsendingu. Andri hefur skorað í báðum leikjum Stjörnunnar það sem af er tímabils.
2. Guðmundur Baldvin Nökkvason
Guðmundur sömuleiðis skoraði og lagði upp, líkt og Andri. Flottur í dag og var mikið í boltanum.
Atvikið
Rúnar Már var hársbreidd frá því að jafna metin á síðustu sekúndum í uppbótartíma.
Hvað þýða úrslitin?
Stjarnan er í 2. sæti með fullt hús stiga eftir tvo leiki. ÍA er í 6. sæti með 3 stig.
Vondur dagur
Haukur Andri var eflaust einn besti leikmaður ÍA í leiknum. En fékk frekar klaufalegt rautt spjald undir lok leiks. Haukur fékk gult spjald fyrir mótmæli. Hann fékk svo seinna gula fyrir óþarfa tæklingu í uppbótartíma.
Dómarinn - 7
Heilt yfir flottir í dag. Rauða spjaldið á Hauk frekar soft að mínu mati en ákvörðunin ekkert galin.