SKÝRSLAN: Þór/KA með mikla yfirburði í Víkinni
Hvað réði úrslitum?
Þór/KA var betra liðið í dag og sýndi mikla yfirburði. Heppnin var með þeim í fyrsta markinu en Þór/KA hafði þó haft yfirburði fram að því.
Bestu leikmenn
1. Hulda Ósk Jónsdóttir
Lagði upp fyrstu tvö mörkin, erfitt að eiga við hana úti á hægri kantinum. Eitraðar fyrirgjafir. Fór þó útaf snemma í seinni hálfleik.
2. Bríet Fjóla Bjarnadóttir
Kom Þór/KA á blað og var nálægt því að leggja upp mark rétt áður. Fyrsta mark hennar í meistaraflokki en hún er aðeins 15 ára.
Atvikið
Bríet Fjóla Bjarnadóttir er stjarna kvöldsins. Skorar fyrsta mark sitt í meistaraflokki aðeins 15 ára gömul. Stjarna er fædd. Markið var afar sérkennilegt og kom í kjölfarið á fyrirgjöf frá Huldu Ósk sem skoppaði á slánni og kom Kötlu úr jafnvægi í markinu
Hvað þýða úrslitin?
Þór/KA vinnur fyrsta leik, draumabyrjun þar. Víkingur tapar fyrsta leik, ekki draumabyrjun þar.
Vondur dagur
Þórdís Hrönn Ásgeirsdóttir fékk tækifærið til þess að koma Víkingum inn í leikinn á nýjan leik en brást bogalistin. Hefði átt að gera betur.
Dómarinn - 8
Ekkert út á Bríeti að setja í dómgæslunni í dag. Með allt á hreinu.