Jakob Örn Heiðarsson @jakob_rn

- Meðalaldur 23 ár

- Meðalaldur 23 ár

Textalýsing Skýrslan

Hvað réði úrslitum? Það var greinarmunur á liðunum. KR er eitt af fimm bestu liðum landsins á meðan KÁ er varalið Hauka og spilar í fjórðu deildinni. Það kann að hljóma skrýtið, en það má samt hrósa KÁ mönnum fyrir að reyna. Þeir reyndu að spila sinn fótbolta og gáfust aldrei upp, þrátt fyrir að vera 10-0 undir á 80. mínútu. KR yfirspilaði þá í dag, átti frábæran leik og enginn leikmaður steig feilspor. Bestu leikmenn 1. Alexander Rafn Pálmason Var frábær á miðjunni í dag, mjög öruggur í sínum aðgerðum og skoraði eiginlega þrennu eða svona 2,5 mark, ef maður getur sagt það. Aðeins 15 ára gamall að spila sinn fyrsta keppnisleik, en það sást svo sannarlega ekki á honum inni á vellinum. 2. Aron Sigurðsson Aron var frábær í dag með tvö mörk og að minnsta kosti tvær stoðsendingar. Hann er auðvitað einn besti leikmaður landsins, og þegar svoleiðis leikmaður fær pláss til að skapa og gera skemmtilega hluti á vellinum, þá lítur hann einfaldlega óstöðvandi út. Atvikið Aukaspyrnan hjá Aroni Sig var rock solid. Það var líka mikil ánægja hjá áhorfendum yfir mörkunum hjá Alexander Rafn og Sigurði Breka báðir aðeins 15 ára gamlir, en komust samt báðir á blað!

Hvað þýða úrslitin? Bikarævintýri KÁ-manna er því miður lokið í ár í Mjólkurbikarnum, á meðan ævintýri KR-manna er rétt að byrja. KR tryggði sér farseðilinn í 16 liða úrslit og er væntanlega með augun á því að komast alla leið í stóra leikinn á Laugardalsvelli í haust. Vondur dagur Það er aldrei gaman að setja vondan dag á einhvern einn, því þetta var lið sem gaf allt sitt. Þó það hafi verið ljóst á pappír að KR væri sterkari aðilinn fyrifram. En ef eitthvað á að nefna, þá átti varnarlína KÁ erfitt uppdráttar. Þegar spilað er gegn jafn vel skipulögðu og hæfileikaríku liði og KR, þá kosta mistök dýrt og KR refsaði grimmilega fyrir þau. Það voru nokkur atriði sem hefðu mátt fara betur, en þetta eru líka strákar sem eru ekki vanir því að spila á þessu stigi og við svona hraða bolta. Með aðeins færri mistök hefði þetta getað orðið mun jafnari leikur. En ég hef fulla trú á því að KÁ muni gera góða hluti í sumar! Dómarinn - 8 Ekkert út á dómarann að setja. Leikurinn var vissulega frekar auðveldur að dæma, en hann og teymið nelgdi samt allar ákvarðanir.

- Meðalaldur 23 ár

- Meðalaldur 23 ár