Hilmar Jökull Stefánsson @Hilmarjokull

- Meðalaldur 24 ár

- Meðalaldur 21 ár

Textalýsing Skýrslan

Hvað réði úrslitum? Taktískt upplegg Þróttar virðist hafa virkað í leiknum. Þær voru ekkert að kippa sér upp við það að vera minna með boltann í dag og leyfðu Víkingum að stýra ferðinni aðeins á meðan gestirnir sóttu hratt þegar þær unnu boltann. Þrátt fyrir þetta sem kemur hér á undan þá áttu heimakonur alveg fín færi á köflum og komu sér í álitlegar stöður, en þegar svo bar undir þá var Mollee tilbúin og varði allt sem að marki kom. Bestu leikmenn 1. Caroline Murray (Þróttur R. Komst trekk í trekk upp hægri kantinn og ógnaði ítrekað með hraða sínum og krafti. Átti í raun þátt í öllum hættulegustu færum Þróttar og hefði hæglega getað skorað eða lagt upp. 2. Mollee Swift (Þróttur R.) Það finnst kannski einhverjum skrýtið að setja markaskorarann ekki hingað inn, meira um það í liðnum „Atvikið“. Mollee markmaður Þróttar var mjög öflug. Steig inn í þegar Víkingar áttu fyrirgjafir og varði öll skot sem þær náðu að marki gestanna. Atvikið Atvikið er klárlega mark Þróttar sem kom eftir 21. mínútna leik. Þá barst boltinn inn á teiginn til Katie Cousins sem átti skot í stöngina og boltinn fór þaðan í bakið á Sigurborgu markmanni og inn í mark Víkinga. Eina mark leiksins og það eina sem skildi liðin að í dag.

Hvað þýða úrslitin? Þær hvítu og rauðu úr Laugardalnum eru ennþá ósigraðar og komnar með 7 stig eftir 3 leiki. Þróttur sitja í 4. sæti deildarinnar. Heimakonur fara hins vegar illa af stað í Íslandsmótinu, með einungis 3 stig og tvö töp í fyrstu þremur leikjunum. Víkingur mætir Breiðablik í næsta leik og verða líklega ennþá með 3 stig eftir þann leik miðað við hvernig þær grænklæddu eru að spila þessa dagana. Vondur dagur Færanýting Víkinga. Þau fáu færi sem heimakonur fengu fóru forgörðum og það er í raun ótrúlegt að þetta lið, sem fyrir leikinn í kvöld hafði skorað 7 mörk, hafi ekki náð að skora eitt mark á Þrótt. Áslaug Dóra komst í hörkufæri undir lok leiks en dúndraði framhjá. Dómarinn - 6 Ágætlega dæmdur hjá Aðalbirni og félögum. Eina sem er hægt að draga þá niður er tilkall Þróttarakvenna eftir víti, sem undirrituðum fannst vera eðlilegt. Annars lét hann leikinn flæða vel og gaf gul spjöld þegar það átti við.

- Meðalaldur 25 ár

- Meðalaldur 22 ár