Sterkur sigur hjá ÍA í dag. Þeir nýttu sín færi vel og leyfðu KA ekki að komast í góð færi.

Skýrsla og viðtöl væntanleg seinna í kvöld.

Uppbótartíminn er að minnsta kosti 5 mínútur.

Flott sókn hjá KA. Grímsi lyftir boltanum inn í teig og Hans fleytir boltanum áfram. Viðar er þá kominn í dauðafæri nokkrum metrum frá marki en skallinn hans beint á Árna.

Vardic leggst í grasið og þarfnast aðhlynningar. Heldur utan um andlitið en hann fékk eitthvað högg áðan.

KA með enn eitt hornið en í þetta sinn er sendingin inn í teig góð hjá Grímsa. Bjarni rís hæst inn í teig en skallinn frá honum strýkur stöngina á leiðinni framhjá!

Kári með fínan bolta fyrir markið og Ásgeir nær skotinu. Hann var hinsvegar líkast til ekki að búast við því að boltinn myndi ná til hans þannig skotið lélegt og framhjá.

Vall með vitlaust innkast. Þetta sér maður ekki oft.

Johannes Vall tekur hornspyrnuna sem hann lyftir inn á teig. Hlynur fleytir boltanum áfram á fjærstöngina þar sem Viktor er í góðu færi. Hann tekur skotið viðstöðulaust en yfir markið.

Grímsi tekur spyrnuna og hann lyftir boltanum á fjær. Viðar nálægt því að koma hausnum sínum í þennan bolta en Skagamenn hreinsa.

Skagamenn fá hornspyrnu, eiginlega í fyrsta skiptið í seinni hálfleik sem þeir fara eitthvað nálægt marki KA.

Þeir lyfta boltanum á fjær þar sem Jón Gísli reynir á endanum fyrirgjöfina en þetta fer of nálægt Stubbinum sem grípur þennan.

Langur bolti fram og Viktor er mögulega sloppinn í gegn! Stubbur kemur hinsvegar mjööööög langt út úr markinu og er á undan í boltann og nær svo að hreinsa.

Þetta hefði getað verið skógarhlaup sem endaði illa.

Flottur einna snertinga fótbolti hjá KA sem endar með að Kári lyftir boltanum inn í teig. Ásgeir er þar einn gegn nokkrum varnarmönnum en hann kemur boltanum ekki nægilega vel undan sér til þess að taka skotið. Skagamenn í bullandi veseni með að reyna hreinsa boltann svo, en það tekst á endanum.

Guðjón lyftir boltanum inn á teig og Marcel Römer fær boltann í bringu hæð. Hann lyftir boltanum upp með bringunni og reynir bakfallspyrnuna en hún er ekki góð og langt framhjá marki.

Grímsi með fínt skot fyrir utan teig sem Árni þarf að hafa sig allan við í að verja. Hann lemur boltann svo beint út í teiginn þar sem boltinn er laus en það er enginn KA maður nógu fljótur að komast í hann þannig heimamenn hreinsa.

Fínn bolti inn fyrir vörnina hjá Guðjóni og Marcel Römer eltir þennan. Árni gerir hinsvegar vel, kemur út úr markinu og handsamar þennan.

KA-menn mun meira með boltann í þessum hálfleik en hafa ekki náð að skapa sér neitt af viti. Skagamenn hafa verið hættulegir í skyndisóknum og KA menn galopnir til baka. Fyrstu tvö færi heimamanna enduðu með marki, vel farið með færin.

Uppbótartíminn er að minnsta kosti ein mínúta.

Jóan með hornspyrnuna fyrir KA. Hann lyftir boltanum inn í teiginn en Skagamenn skalla frá. Hallgrímur nær svo lausa boltanum og reynir aftur fyrirgjöfina en það er enginn sem nær til boltans þannig hann fer bara afturfyrir.

Ásgeir með boltann inn í teig en hann er í stífri gæslu. Hann nær að snúa sér og taka skotið en enginn almennilegur kraftur í þessu og beint á Árna.

Jón Gísli reynir skotið fyrir utan teig. Hann er hinsvegar undir mikilli pressu og skotið því ekki gott.

Bjarni með viktilega flott hlaup og klobbar Sandberg í leiðinni. Hann er kominn í góða stöðu og á bara að skjóta sjálfur en hann leggur boltann fyrir þar sem Hrannar nær til hans, hann leggur boltan fyrir bróður sinn sem á svo slakt skot í varnarmann og afturfyrir.

Góð sending inn fyrir á Hauk Andra sem leggur svo boltan á Jón á hægri kantinum. Hann kemur með góðan bolta fyrir markið en Hans nær að skalla frá. Gísli nær þá lausa boltanum og tekur fast skot í átt að marki en Stubbur gerir vel í að verja frá honum!

KA menn með hornspyrnu sem Jóan tekur. Hann setur fastan bolta á nærstöngina þar sem Ásgeir fleytir boltanum áfram á fjær. Þar nær enginn KA maður almennilega að koma skoti á markið og Skagamenn hreinsa.

Skagamenn eiga hornspyrnu og það er Gísli sem tekur. Hann lyftir boltanum inn í teig þar sem boltinn dettur dauður fyrir Hlyn Sævar. Hann hlaðar í skotið en beint í varnarmann og svo er dæmd aukaspyrna fyrir KA.

KA menn fá horn sem þeir ná ekki að skapa mikið úr en fá svo annað horn fljótlega þar á eftir. Sama sagan aftur þar, ná ekki að skapa nógu hættulega stöðu.

Hrannar fær boltann vinstra meginn í teignum og reynir skotið. Það fer í varnarmann en Hallgrímur nær svo seinni boltanum og tekur annað skot en aftur í varnarmann og svo aftur fyrir.

Skagamenn eru að ná að stöðva ryþmann í sóknarleik KA vel. Mikið af brotum þessar fyrstu mínútur.

Sandberg í hörku tæklingu aftan í Bjarna og KA menn fá aukaspyrnu á fínum stað. KA menn mjög pirraðir að það skulu ekki vera gefið gult þarna.

Hallgrímur tekur spyrnuna og lyftir boltanum inn í teig, en flaggið fer á loft og rangstaða niðurstaðan.

Uppstilling ÍA 3-4-3
Árni (markmaður)
Oliver - Erik - Hlynur
Jón Gísli - Guðfinnur - Vardic - Gísli
Albert - Viktor - Haukur

Uppstilling KA 4-3-3
Steinþór (markmaður)
Guðjón - Hans - Ívar - Hrannar
Römer - Rodri - Bjarni
Jóan - Ásgeir - Hallgrímur

Gunnar flautar og við erum komin af stað!

Liðin eru hlið við hlið í neðrihluta stöðutöflunar. Ef við horfum í stuðlana á Epic þá er búist við jöfnum og spennandi leik þar sem Skagamenn eru taldir aðeins líklegri með stuðulinn 2,35 á meðan stuðullinn á KA sigur er 2,88.

Jón Þór Hauksson gerir tvær breytingar á sínu liði sem tapaði 5-0 fyrir KR í síðustu umferð. Guðfinnu Þór Leósson og Marko Vardic koma inn í liðið en Johannes Vall og Rúnar Már S Sigurjónsson setjast á bekkinn.

Hallgrímur Jónasson þjálfari KA heldur sama byrjunarliði og vann FH 3-2 í síðustu umferð.

Fanndís Friðriksdóttir, leikmaður Vals, er spámaður umferðarinnar. Hún fylgir á eftir Magga Matt sem var með fjóra leiki rétta í síðustu umferð.

ÍA 0 - 0 KA
Erfiður leikur að spá fyrir, hrædd um leiðinlegt jafntefli. Segi boring 0-0.

Hallgrímur Jónasson þjálfari KA á afmæli í dag en hann er þá orðinn 39 ára gamall. Hans helsta óks um afmælisgjöf væri líkast til að vinna þennan leik í dag.

Gunnar Oddur Hafliðason verður með flautuna í þessum leik, en honum til aðstoðar verða Ragnar Þór Bender og Bergur Daði Ágústsson.

Eftirlitsmaður KSÍ er Egill Már Markússon og varadómari er Jóhann Ingi Jónsson.

KA byrjaði tímabilið á 2-2 jafntefli gegn KR en eftir það komu tveir tapleikir gegn Víking 4-0 og Val 3-1. Í síðustu umferð náðu þeir hinsvegar í sinn fyrsta sigurleik í deildinni gegn FH þar sem þeir unnu 3-2. Markaskorun hefur ekki verið vandamál hjá KA en þeir hafa fengið flest mörk á sig í deildinni.

Þeir muna því væntanlega vilja þétta varnarleikinn í þessum leik og tengja tvo sigurleiki saman.Hallgrímur Jónasson, þjálfari KA

Eftir góða byrjun á tímabilinu með 1-0 sigri gegn Fram í opnunarleiknum hefur gengi Skagamanna ekki verið gott. Þeir töpuðu 2-1 gegn Stjörnunni í næsta leik og 2-0 gegn Vestra í leiknum þar á eftir. Í síðustu umferð fengu þeir svo alvöru skell þar sem þeir töpuðu 5-0 fyrir KR.

Þeir munu því leitast eftir því að koma tímabili sínu aftur á beina braut með sigri hér í dag.Jón Þór Hauksson, þjálfari ÍA

Komið þið sæl og verið velkomin í beina textalýsingu frá leik ÍA og KA í 5. umferð Bestu deild karla.

Leikurinn hefst klukkan 17:00 og verður spilaður á Elkem vellinum.