Tryggvi Guðmundsson @fotboltinet

- Meðalaldur 25 ár

- Meðalaldur 24 ár

Textalýsing Skýrslan Viðtöl

Hvað réði úrslitum? Leikskipulagið hjá Vestra gekk algjörlega upp í dag. ÍBV voru einnig slakir fram á við en þeir reyndu hvað eftir annað að sækja en lítil hætta skapaðist gegn góðri og vel skipulagðri vörn Vestra. Bestu leikmenn 1. Vladimir Tufegdiz Kom Vestra á bragðið með góðu marki undir lok fyrri hálfleiks. Var virkilega skapandi og öflugur í sóknarleik Vestra. 2. Guy Smith Var mjög traustur og öruggur í sínum aðgerðum. Er greinilega að koma öflugur inn í lið Vestra eftir brösugt gengi í Val og KR. Hefur sýnt og sannað að hann er góður á milli stanganna. Atvikið Sigurður Arnar Magnússon fékk dauðafæri í stöðunni 0-1 þegar hann var einn og óvaldaður í markteig Vestra eftir góða sendingu Víðis Þorvarðar en skallaði beint á Guy Smith í marki Vestra. Þar hefði hann getað jafnað leikinn og komið ÍBV í gang. Stuttu seinna bruna Vestramenn upp og loka leiknum.

Hvað þýða úrslitin? Vestri eru einfaldlega á toppnum í Bestu deildinni tímabundið á meðan Eyjamenn eru líklega súrir með þetta tap á heimavelli en eru þó bara um miðja deild. Vondur dagur Sóknarlína ÍBV var ekki upp á marga fiska. Mjög bitlaust og mikill skortur á hugsun fram á við, þó að Oliver hafi átt sína spretti og var kannski einna hættulegasti leikmaður Eyjamanna. Svo verð ég að minnast á Sigurð Arnar sem brennir af dauðafærinu sem hefði getað komið ÍBV inn í leikinn. Dómarinn - 7 Heimamönnum þótti hann frekar spjaldaglaður en að mínu mati voru þau verðskulduð. Ekkert stórt atriði sem að skipti máli en spurning hvort markvörður ÍBV hefði átt að fá rautt spjald þegar hann handleikur boltann fyrir utan teig í aðdraganda seinna marks Vestra. Hann lét leikinn halda áfram og Vestri skoraði og samkvæmt reglum, segja mér æðri menn, þá er það bara gult þar sem að markið stóð.

- Meðalaldur 29 ár

- Meðalaldur 27 ár