SKÝRSLAN: Fyrsta mark Gylfa en Fram tapar og vinnur til skiptis
Hvað réði úrslitum?
Byrjunin á leiknum var ekki góð hjá Fram og það var eins og eftir 2-0 markið að þá hafi Framarar vaknað loksins. Það var svo too little to late hjá Fram.
Bestu leikmenn
1. Gylfi Þór Sigurðsson
Var frábær í dag. Skoraði sitt fyrsta mark fyrir Víkinga og átti frábæra hornspyrnu í fyrri hálfleik sem bjó til fyrsta mark leiksins. Gylfi góður í kvöld.
2. Erlingur Agnarsson
Fannst alltaf einhver hætta þegar hann var í boltanum og var mikið að keyra hratt á varnarlínu Fram þegar Víkingar unnu boltann.
Atvikið
Klárlega 3-1 markið sem reyndist fyrsta mark Gylfa í treyju Víkings í sumar. Frábærlega gert hjá Gylfa í þessari stöðu. Mjög yfirvegaður eins og svo oft áður.
Hvað þýða úrslitin?
Víkingar fara á toppinn á meðan Framarar eru búnir að tapa og vinna til skiptis í fyrstu 5 leikjum deildarinnar.
Vondur dagur
Það er ofboðslega erfitt að velja einhvern einn eftir þennan leik en ég segi bara Framliðið fyrsta hálftímann. Þeir voru alls ekki upp á marga fiska í byrjun leiks.
Dómarinn - 8
Þetta var mjög flottur leikur hjá Elíasi Inga og hans mönnum. Þeir héldu sig bara við sína línu og voru samt að leyfa smá hörku. Þrátt fyrir eitt og eitt atvik sem maður var ósammála fannst mér teymið gera vel í kvöld.