Tryggvi Guðmundsson @fotboltinet

- Meðalaldur 23 ár

- Meðalaldur 15 ár

Textalýsing Skýrslan Viðtöl

Hvað réði úrslitum? Einfaldlega gæði Eyjakvenna og þá sérstaklega fram á við. Með Olgu, Allison Clark og Allison Lowrey í broddi fylkingar. Bestu leikmenn 1. Allison Patrica Clark Var algjörlega frábær inn á miðjunni í dag hjá ÍBV. Leggur upp tvö mörk og gerir það glæsilega. Hefði hæglega getað átt fleiri stoðsendingar í þessum leik. Mikill dugnaður í henni allan leikinn og vann vel fyrir liðið. 2. Olga Sevcova Við sem fylgjumst með kvenna boltanum vitum öll hvað Olga getur og sýndi hún og sannaði það í dag með tveimur góðum mörkum sem hefðu getað orðið fleiri. Jafnframt var hún að skapa fyrir liðsfélaga sína. Atvikið Markið sem Grótta skoraði undir lok fyrri hálfleiks. Guðný Geirsdóttir fór í skógarhlaup og Hulda Ösp nýtti sér mistök hennar og skoraði í autt markið. Þetta hefði geta komið Gróttu inn í leikinn en ÍBV voru einfaldlega bara miklu betri í seinni hálfleik.

Hvað þýða úrslitin? Mótið er auðvitað nýbyrjað en ÍBV nær í sín fyrstu stig í góðum heimasigri á meðan Grótta er með núll stig eftir fyrstu tvær umferðirnar. Vondur dagur Erfitt að taka út einhvern einn ákveðinn leikmann en Gróttu liðið var bara skrefi á eftir Eyjakonum. Gróttu stelpurnur voru mikið á hausnum og kannski ekki með réttan skóbúnað eða vanar að spila á grasi. Varnarleikurinn oft á tíðum mjög opinn og það var auðvelt fyrir ÍBV að komast á bakvið vörnina. Dómarinn - 9 Vel dæmdur leikur og ekkert út á frammistöðu hans að setja.

- Meðalaldur 23 ár

- Meðalaldur 23 ár