Njarðvíkingar byrjuðu með krafti en ÍR vann sig vel inn í leikinn í fyrri hálfleik. Stöðubarátta þar sem liðin skiptust á því að taka yfirhöndina. Í seinni hálfleiknum komu ÍR sterkari til leiks og hefði hæglega getað gengið frá leiknum. Komast yfir en Njarðvíkingar jafna tveimur mínútum síðar. Njarðvík fær tækifæri á að stela sigrinum undir lok leiks með vítaspyrnu en í þriðja skipið á tímabilinu klikka þeir á punktinum. Bæði lið mega vera svekkt með stigið þegar öllu er á botninn hvolft.

Mark ÍR - Njarðvíkignar falla í teignum og Aron Snær markmaður verður brjálaður inni á teig. Helgi Mikael ráðfærir sig við aðstoðardómara áður en hann staðfestir markið. Þetta braut ísinn og opnaði leikinn aðeins fyrir lokamínúturnar.

Bæði lið fara í fimm stig í gríðarlega jafnri deild eftir þrjár umferðir.

Leikurinn var ekki sú skemmtun sem maður var búin að gíra sig upp í. Oumar Diouck gat stolið þessu fyrir Njarðvík með vítaspyrnu í blálokin en klikkar svo hann tekur þetta á sig.

Þokkalegasta frammistaða í dag heilt yfir. Auðvitað komu dómar sem bæði liðin voru ekki sammála en hann lét ekki veiða sig út í neina vitleysu þrátt fyrir nokkrar tilraunir beggja liða. Njarðvíkingar mótmæltu marki ÍR en erfitt að sjá hvað gerðist nákvæmlega eða yfir hverju var veri að mótmæla. Fá að njóta vafans með það.