SKÝRSLAN: Skoraði sigurmark gegn Leikni í þriðja sinn á einu ári
Hvað réði úrslitum?
Jafn leikur en Leiknismenn geta nagað sig rækilega í handabökin yfir úrslitunum. Þeir fengu svo sannarlega sénsa til að taka stigin þrjú. Þetta var leikur þar sem smáatriði skáru á milli og HK náði að var ofaná.
Bestu leikmenn
1. Þorsteinn Aron Antonsson - HK
Virkilega öflugur í vörn HK-inga og ófáar tilraunir Leiknis strönduðu á honum.
2. Dagur Ingi Axelsson - HK
Skoraði eina mark leiksins. Þetta var þriðja sigurmark hans í 1-0 sigrum gegn Leikni á einu ári. Skoraði tvö sigurmörk fyrir Fjölni gegn Leikni á síðasta tímabili.
Atvikið
Skiptingar Hemma Hreiðars færðu HK-ingum meira líf og einn af varamönnunum, Tuml Þorvarsson, bjó til sigurmarkið þegar nokkrar mínútur voru til leiksloka.
Hvað þýða úrslitin?
Miðað við byrjun deildarinnar verða lið að hirða stig hvert af öðru og erfitt að spá fyrir um úrslitin, líkt og í fyrra. Eftir tvö jafntefli kom fyrsti sigur HK en Leiknir situr í fallsæti eftir að hafa tapað tveimur heimaleikjum í röð.
Vondur dagur
Jón Arnar Sigurðsson leikmaður Leiknis fraus fyrir framan opið mark eftir misskilning í vörn HK. Ótrúlegt atvik. Leiknir fékk gefins mark á silfurfati en afþakkaði og stuttu seinna skoraði HK. Leiknir fékk fleiri dauðafæri en menn virtust hreinlega ekki vilja skora og ekki hafa trú.
Dómarinn - 7
Dæmdi þetta bara mjög fínt. Ekki gallalaust en mistökin höfðu engin áhrif á niðurstöðuna.