SKÝRSLAN: Bikarvörn KA á enda
Hvað réði úrslitum?
Framarar stýrðu leiknum nánast allan tímann. Komust yfir sjokkið að klúðra víti snemma og að fá á sig algjört draumamark og sýndu bara afskaplega faglega frammistöðu. Að sama skapi voru KA menn í gjafastuði og varnarleikur liðsins hreint út sagt ömurlegur.
Bestu leikmenn
1. Viktor Freyr Sigurðsson (Fram)
Var ákaflega öruggur í öllum sínum aðgerðum og varði nokkrum sinnum glæsilega. Átti eina sérstaklega góða vörslu gegn Viðari Erni af örstuttu færi.
2. Már Ægisson (Fram)
Var mjög líflegur og var yfirleitt með í ráðum í öllum hættulegum sóknum Fram.
Atvikið
Hjólhestaspyrna Hallgríms. Hann hafði orð á því eftir leik að mögulega yrði hann ánægður með markið eftir viku, en fannst afar súrt að það skyldi ekkert telja þegar uppi er staðið.
Hvað þýða úrslitin?
KA menn verja ekki bikarmeistaratitilinn í ár. Þeir hafa átt frábæru gengi að fagna í þessari keppni undanfarin tvö ár, en allir góðir hlutir taka enda. Framarar fara verðskuldað áfram í 8-liða úrslitin og geta beðið spenntir eftir drættinum.
Vondur dagur
Vörn KA. Kómísk. Það er eiginlega ekkert hægt að segja annað.
Dómarinn - 7
Leyfði mikið og hélt þeirri línu að mestu.