SKÝRSLAN: Borg og Berg í stuði hjá sjóðheitum Vestramönnum
Hvað réði úrslitum?
Vestri er eflaust það lið sem leiðinlegast er að mæta á Íslandi. Biluð orka, skipulagðir og líkamlega sterkt lið. Breiðablik náðu ekki að jafna Vestra í þeirri baráttu. Breiðablik mun meira með boltann en gestirnir voru beinskeyttir og refsuðu. Magnað að sjá baráttuna og orkuna sem Vestri sýndi í dag.
Bestu leikmenn
1. Daði Berg Jónsson
Daði magnaður í dag, á stóran þátt í fyrsta markinu og skoraði seinna markið. Daði og Arnór Borg náðu vel saman í dag.
2. Gustav Kjeldsen
Gustav frábær í dag líkt og öll varnarlínan. Krafturinn var svo mikill. Fatai á einnig hrós skilið.
Atvikið
Ég verð að setja þetta á annað mark Vestra og VÆB fagnið í kjölfarið Vestra. Vestri svarar strax eftir jöfnunarmark Breiðabliks. Markaskorarinn Daði Berg hóaði svo í liðsfélagana og þeir settust allir niður og réru. Daði sagði í viðtali eftir leik að þetta væri til heiðurs VÆB og að þeir væru að sigla sigrinum heim.
Hvað þýða úrslitin?
Vestramenn verða í pottinum þegar dregið verður í 8-liða úrslitum Mjólkurbikarsins á morgun
Vondur dagur
Skapandi leikmenn Breiðabliks voru ekki á sínum besta degi. Aron Bjarnason var þó flottur. Kristinn Steindórsson, Ágúst Orri og Óli Valur hafa allir átt betri daga. Íslandsmeistararnir náðu ekki að opna þéttu vörn Vestra, sem er reyndar hægara sagt en gert.
Dómarinn - 8
Spurning með rangstöðudóminn undir lok leiks þegar Kristófer Ingi skoraði. Sýndist það þó vera rétt. Annars allt í teskeið að mínu mati.