Anton Freyr Jónsson @antonfreeyr

- Meðalaldur 27 ár

- Meðalaldur 23 ár

Textalýsing Skýrslan Viðtöl

Hvað réði úrslitum? Mikið jafnvægi í þessum leik fram að fyrsta markinu hjá ÍA og þá ganga Skagamenn á lagið og Blikarnir virðast brotna. Skagamenn ná inn frábærum tíu mínútna kafla í fyrri hálfleik og gengu svo gott sem frá leiknum. Síðari hálfleikurinn var frábær að hálfu Skagamanna og liðið óð í færum en inn vildi boltinn ekki fyrr en alveg undir lokin þegar Gísli Laxdal gerði endanlega út um leikinn undir blálokin. Verðskuldaður sigur Skagamanna. Bestu leikmenn 1. Jón Gísli Eyland Gíslason (ÍA) Jón Gísli take a bow. Var frábær í dag og var með áætlunarferðir upp og niður hægri vænginn í dag og þá sérstaklega í síðari hálfleik og mataði liðsfélagana sína með eitruðum boltum inn á teiginn. 2. Ómar Björn Stefánsson (ÍA) Átti að líta rautt spjald í fyrri hálfleik en fyrir utan það þá var hann gjörsamlega frábær. Ógnaði stöðugt með hraða sínum og krafti í 90 mínútur í dag. Skoraði eitt og lagði upp annað í dag. Atvikið Ómar Björn gaf Valgeiri olnbogaskot - Augljóst rautt spjald eftir sjónvarpsendursýningar en Twana og hans menn hafa bara misst af þessu. Ef tríóið hefði séð þetta þá hefði Ómar fengið að lýta rautt kort frá Twana. Það er 100%

Hvað þýða úrslitin? Breiðablik tapar sínum öðrum leik í röð og liðið situr í þriðja sæti deildarinnar með 16.stig. Skagamenn ná ekki að lyfta sér upp frá botninum en liðið nálgast þennan gríðarlega þétta pakka frá sæti 4 og niður. Breiðablik fær Víking í heimsókn í næstu umferð á meðan ÍA fær ÍBV í heimsókn Vondur dagur Arnór Gauti - Fær tvö gul spjöld í dag og var sendur í sturtu. Gerði liðfélögum sínum ekki auðveldara fyrir með að láta senda sig í sturtu. Dómarinn - 4 Twana missti þetta út í eitthvað bull í fyrri hálfleik. Sleppti tveimur vítaspyrnum og missti af olnbogaskotinu hans Ómars á Valgeir.

- Meðalaldur 25 ár

- Meðalaldur 21 ár