Sverrir Örn Einarsson @SEinarsson

- Meðalaldur 23 ár

- Meðalaldur 20 ár

Textalýsing Skýrslan

Hvað réði úrslitum? HK gerði meira til þess að vinna leikinn og átti stigin þrjú skilið. Þær sköpuðu fleiri og hættulegri færi og ef ekki hefði verið fyrir stórleik Önnur Arnarsdóttur í marki Keflavíkur hefðu úrslitin geta ráðist talsvert fyrr. Bestu leikmenn 1. Anna Arnarsdóttir Varði oft á tíðum frábærlega í leiknum. Ein gegn einni, eftir skot úr teignum eða langskot hún var þetta næstum því allt á hreinu. Eitt mark lak þó inn en það breytir ekki þeirri staðreynd að hún bar höfuð og herðar yfir aðra leikmenn á vellinum í kvöld. 2. Emilía Lind Atladóttir Var virkilega öflug á vinstri væng HK í kvöld og gerði varnarlínu Keflavíkur lífið leitt á köflum. Þurfti því miður að yfirgefa völlinn eftir höfuðhögg og var flutt á sjúkrahús til skoðunar. Sendum henni batakveðjur. Atvikið Loma McNeese fékk dauðafæri í leiknum er hún skaut í slánna af undir hálfs metra færi úr markteignum. Minnti um margt á dauðafæri sem Klæmint Olsen misnotaði á þessum sama velli árið 2023 og í raun óskiljanlegt að boltinn skyldi ekki enda í netinu,

Hvað þýða úrslitin? HK Jafnar lið ÍBV að stigum á toppi deildarinnar en Eyjakonur halda toppsætinu á mun betri markatölu. Keflavík í áttunda sætinu með fimm stig. Vondur dagur Sóknarleikur Keflavíkur var á löngum köflum ansi dapur í kvöld. Þeim gekk illa að finna sér svæði á vængjunum og enn verr að fylla teiginn þegar boltinn á annað borð komst fyrir markið. Nokkuð sem þær þurfa að laga og það hratt. Mótið er vissulega rétt nýhafið en sumarið á Íslandi er stutt og tækifærunum fer fækkandi með hverjum leiknum. Dómarinn - 4 Mér fannst Ásgeir ekkert sérstakur í dag ef ég á að vera alveg heiðarlegur. Engin stór atriði sem hann klikkar á en þau voru þó nokkur minni sem hefðu átt að fara á annan veg. Línan var á reiki hjá honum líka og hélt hann tónleika á flautunni eina stundina en virtist hafa gleypt hana þá næstu. Ekki á sínum degi í dag en getur eflaust miklu betur.

- Meðalaldur 22 ár

- Meðalaldur 19 ár