Sölvi Haraldsson @Breiiiiiiiiiii

- Meðalaldur 29 ár

- Meðalaldur 22 ár

Textalýsing Skýrslan

Hvað réði úrslitum? Eldgamla góða „þeir vildu þetta meira“. Mér fannst Blikarnir ofan á í baráttunni í dag sem skilaði sér. Orkan var mjög spes í Víkingsliðinu. Fyrri hálfleikurinn var sérstaklega lélegur hjá Víkingum, þeir voru ekki að tengja saman sendingar og fara illa með ágætar stöður. Víkingarnir voru mjög ósannfærandi í dag. Bestu leikmenn 1. Viktor Örn Margeirsson Var stórkostlegur í hjarta varnarinnar. Skoraði eitt mark og á einn sprett til baka þegar Valdimar er nánast sloppinn einn í gegn. Frábær í dag frá A til Ö. Gaman líka að sjá hann spila með Antoni Loga í hafsentnum. 2. Tobias Thomsen Skorar tvö og leggur upp eitt. Gæti þess vegna verið maður leiksins og umferðarinnar. Frábær í dag og hefur verið gífurlega mikilvægur fyrir þetta Blikalið í sumar. Klárlega ein af kaupum tímabilsins. Atvikið Þriðja markið hjá Blikum. Það svona gerir endanlega út um leikinn. Spurning líka hvort það hafi verið brotið á Gunnari Vatnhamar í aðdragandanum. Mér fannst það við fyrstu sín og svo vildu Víkingar líka rangstöðu. En þriðja mark Blika fór með leikinn.

Hvað þýða úrslitin? Víkingar eru áfram á toppnum með 20 stig en Blikar minnka bilið í 1 stig og eru andandi ofan í hálsmálinu á þeim. Vondur dagur Gylfi Þór Sigurðsson átti alls ekki góðan leik í dag og sást varla í leik Víkinga. Maður gerir ráð fyrir svo miklu meira en þetta frá leikmanni eins og Gylfa í dag. Hann fær þetta frá mér þótt að aðrir Víkingar koma einnig sterklega til greina. Dómarinn - 7 Mér fannst þetta heilt yfir vel dæmdur leikur hjá Ívari en það eru tvö atvik sem eru spurningarmerki. Ingvar fer út á miðjan völl og brýtur á Viktori Karl og fær gult. Það er spurning hvort það hefði átt að vera rautt. Svo var það þriðja mark Blika þar sem mér sýndist vera brotið á Gunnari Vatnhamar í aðdragandanum. Einnig vildu Víkingar fá rangstöðu dæmda.

- Meðalaldur 28 ár

- Meðalaldur 25 ár