Valur er komið í undanúrslit Mjólkurbikarsins eftir 0-1 sigur á Þórsvelli. Markið kom upp úr hornspyrnu en leikurinn var frekar jafn allan leikinn og hefði getað dottið hvorum megin.

Valur í undanúrslit í bikarnum???? eftir 0-1 sigur á ÍBV.
??Hólmar Örn Eyjólfsson '16 pic.twitter.com/wO0vPqn5sa

— RÚV Íþróttir (@ruvithrottir) June 19, 2025

Felix með skot yfir markið.

Sverrir Páll reynir fyrirgjöf á Sigurð Arnar en hann brýtur af sér.

Valsmenn fá aukaspyrnu. Patrik tekinn niður.

Bjarki Björn missir boltann og hann berst á Patrik sem tekur skotið inn á teignum en frábæralega varið hjá Hjörvari og Valsmenn fá horn.

Valsmenn fá aukaspyrnu. Alex Frey tekur Kristinn Frey niður.

Eyjamenn fá aukaspyrnu.

Víðir með fyrirgjöf en hann kixar boltann yfir markið. Frekar illa farið með ágætis stöðu.

Bjarki Björn missir boltann klaufalega fyrir Patrik sem kemur boltanum á Sigurð Egil. Hann rennir boltanum á Kristinn Frey en skot hans yfir markið.

Adam Ægir reynir sendingu í gegn á Sigurð Egil en Mattihas kemur boltanum í burtu.

Milan Tomic kom boltanum út á Víði vinstra megin. Hann köttar inn og kemur með skotið, virtist vera beint á Frederick en hann á í erfiðleikum með það og ver í horn.

Víðir með frábæra sendingu inn á teig Valmanna. Virtist hafa farið í hendina á Bjarna Mark en Twana dæmis ekki neitt. Boltinn barst svo til Vicente en skot hans er yfir markið.

Víðir fær aukaspyrnu fyrir ÍBV. Valsmenn ná að koma boltanum í burtu.

Valsmenn nánst sloppnir í gegn. Virtust reyndar vera þrír rangstæðir en Felix kemur með frábæra tæklingu og kemur boltanum burt.

Núna var það Sverrir Páll sem á skot inn í teig en það er beint á Frederick í marki Vals.

Eyjamenn fengu innkast hátt upp á vellinum. Boltinn barst út á Vicente sem reyndi að spila boltanum á Alex Frey og einhvernveginn berst boltinn á hann. Hann kemur sér í dauðafæri en skotið fer í varnarmann Vals og í horn.

Tómas Bent með skot langt fram hjá.

Tryggvi Hrafn með fyrirgjöf en Felix hreinsar í burtu.

Valsmenn fá aukaspyrnu.

ÍBV fær aukaspyrnu. Milan Tomic tekinn niður.

Patrik með sendingu í gegn á Jónatan Inga sem reynir svo að senda Tryggva í gegn en Tryggvi er rangstæður.

ÍBV vinnur horn.

Þetta er farið af stað aftur.

Twana er búinn að flauta til hálfsleiks. Valsmenn leiða eftir mark úr horni. Leikurinn hefur verið nokkuð jafn og ekki mikið um dauðafæri.

Tryggvi Hrafn með fyrirgjöf sem Sigurður Arnar náði að hreinsa í burtu.

Þrolákur Breki reyndi að lauma boltanum inn á Alex Frey eftir góða sókn Eyjamenn en sendingin lélég.

Lítið að gerast þessa stundina.

Sverri Páll fær aukaspyrnu fyrir ÍBV.

Flott sending frá Tryggva Hrafni úr aukaspyrnunni en Valsmenn flaggaðir ranstæðir.

Valsmenn fá aukaspyrnu. Sigurður Arnar fer beint í Albin Skoglund.

Vicente fær hann út á hægri frá Þorláki Breka. Hann reynir skotið úr mjög þröngu færi, beint á Frederick. Hefði líklega getað reynt gefa fyrir þarna.

Matthias Edeland vinnur aukaspyrnu fyrir ÍBV.

Eyjamenn fá horn.

Matthias með sendingu í gegn á Sverri. Hann nær skotinu en það er ekki krafmikið og Frederick á ekki í vandræðum með það.

Valsmenn fá aukaspyrnu. Alex Freyr var langt frá því að ná í boltann og fór beint í Hólmar.

ÍBV fæ aukaspyrnu. Þorlákur Breki sparkaður niður. Tóku spyrnuna stutt og náðu ekki að gera sér neitt færi.

Valsmenn fá horn.

ÍBV fær aukaspyrnu. Brotið á Felix.

Eyjamenn ná upp góðu spili. Felix fær svo boltann úti vinstra megin, kemur með fyrirgjöf beint á Sverri Pál en hann rennur því miður og færið út í sandinn.

Patrik með góða sendingu í gegn á Tryggva Hrafn sem er næstum sloppinn í gegn en Sigurður Arnar gerir vel í að loka á að hann nái skoti á markið.

Vicente með frábæra takta, sólar nokkra Valsmenn upp úr skónum en missir svo boltann út af.

Jónatan Ingi með fyrirgjöf en Hjörvar grípur örugglega.

Felix með frábæra fyrirgjöf á Sverri Pál en skallinn hans fer yfir markið.

Patrik nær að koma boltanum á Tryggva Hrafn sem kom með fyrirgjöf en Eyjamenn hreinsa í horn.

Þetta er farið í gang. Gestirnir eiga upphafsspyrnuna.

Patrik Pedersen er á sínum stað í framlínu Valsara og hefur verið sjóðandi heitur á leiktíðinni. Það verður því að viðurkennast að 2.20 í stuðul á mark frá dananum er afar freistandi

Þorlákur Árnason, þjálfari ÍBV, gerir fimm breytingar á sínu liði frá leiknum gegn Breiðablki. Hjörvar Daði, Mattias Edeland, Milan Tomic, Birgir Ómar og Hermann Þór koma inn. Marcel Zapytowski, Nökkvi Már Nökkvason, Arnór Ingi Kristinsson og Jovan Mitrovic taka sér sæti á bekknum en Arnar Breki Gunnarsson er ekki í hópnum.

Srdjan Tufegdzic, þjálfari Vals, gerir tvær breytingar á sínu liði frá leiknum gegn Stjörnunni. Albin Skoglund og Tómas Bent Magnússon koma inn í liðið fyrir þá Orra Hrafn Kjartansson og Lúkas Loga Heimisson sem taka sér sæti á bekknum. Tómas Bent kom til Vals frá ÍBV í vetur og er að byrja sinn fyrsta leik með liðinu eftir meiðsli.
Tómas Bent vann Lengjudeildina með ÍBV í fyrra

„Við erum mjög vel stemmdir, það eru fá lið eftir í keppninni og við erum búnir að vera sterkt bikarlið, slegið út bæði KR og Víking. Okkur finnst gott að mæla okkur við bestu liðin. Breiðablik, sem við mættum á sunnudag, er með sterka einstaklinga í sínu liðið og það var gaman að spila við þá. Við erum með ungan hóp af leikmönnum sem mér finnst vera að bæta sig mikið og þá langar að spila við bestu leikmennina," segir Þorlákur Árnason, þjálfari ÍBV.

„Valur er með marga góða leikmenn, misstigu sig náttúrulega á laugardaginn, og fyrir vikið er eflaust töluverð pressa á þeim í þessum leik. Maður sér að það svífur yfir gríðarleg pressa á leikmönnum og þjálfurum liðsins. Við búumst bara við svipuðum leik og gegn Breiðabliki, teljum að Valur muni líka fara í að beita löngum sendingum fram völlinn og reyna vinna seinni boltann. Ég held að liðin séu að lesa þetta þannig að liðin þurfi að breyta leik sínum þegar þau spila á grasi."

„Valur er með marga mjög góða fótboltamenn, en okkar reynsla er - út frá Breiðabliki sem er málsvari stuttra sendinga og leikstílsins að ná yfirmönnun á miðjunni - þegar þannig lið er farið að beita þessum leikstíl þá teljum við að liðin séu að lesa þetta þannig að þau þurfi að gera það á þessum velli. Við þurfum að vera viðbúnir því."

„Að því sögðu er Valur með marga hrikalega góða leikmenn. Það getur verið að þeir treysti sér í að spila eins og þeir myndu gera á gervigrasi."

Hjörvar Daði Arnarsson hefur spilað bikarleikina til þessa en Marcel Zapytowski hefur verið í markinu í deildinni. Ertu búinn að taka ákvörðun hvort Marcel eða Hjörvar Daði verði í markinu?

„Nei, við erum að skoða núna hverjir eru klárir í að spila, eru leikhæfir. Það er endurheimt í dag (mánudag) og svo tökum við ákvörðun um markmannsstöðuna og aðrar stöður á miðvikudaginn," sagði Láki í viðtali í vikunni.

32-liða úrslit:
ÍBV 3-0 Víkingur
Grindavík 1-3 Valur

16-liða úrslit:
KR 2-4 ÍBV
Valur 2-1 Þróttur

Baldvin Már Borgarsson er sérfræðingur Fótbolta.net í bikarnum og hann spáir í leikina.

ÍBV 2 - 3 Valur
Bikar-Láki er að gera magnaða hluti þarna í Eyjum og er farinn að sjá fyrir sér titil, því miður lenda Eyjamenn bara í Bjarna Mark hakkavélinni sem fær ekki rautt í þetta skiptið heldur skorar, leggur upp og bjargar á línu, þetta verður leikur umferðarinnar og mikil skemmtun fyrir alla áhorfendur, Sverrir Hjaltested setur einn rýting í gömlu félagana en Patrick Pedersen skorar í leiknum og fagnar með því að benda á TG9 í textalýsingarboxinu.

Twana Khalid Ahmed dæmir leikinn. Guðmundur Ingi Bjarnason og Þórður Arnar Árnason eru aðstoðardómarar og Gunnar Oddur Hafliðason er fjórði dómari.

Velkomin með okkur til Vestmannaeyja þar sem ÍBV og Valur keppast um að komast í undanúrslit bikarsins.

fimmtudagur 19. júní
17:30 ÍBV-Valur (Þórsvöllur Vey)
20:00 Afturelding-Fram (Malbikstöðin að Varmá)