Jóhann Þór Hólmgrímsson @Johannthor21

- Meðalaldur 30 ár

- Meðalaldur 25 ár

Textalýsing Skýrslan

Hvað réði úrslitum? KA menn áttu mjög erfitt uppdráttar í kvöld og Valsmenn hefðu vel getað verið búnir að klára leikinn í fyrri hálfleik. KA menn komu fínir inn í seinni hálfleikinn en Valsmenn slökktu í öllum vonum og unnu að lokum öruggan sigur. Bestu leikmenn 1. Adam Ægir Pálsson Nýtti tækifærið í botn. Hans fyrsti byrjunarliðsleikur á tímabilinu og hann kom liðinu yfir og átti stóran þátt í tveimur mörkum eftir hornspyrnur frá honum. 2. Lúkas Logi Heimisson Átti stoðsendingu í fyrsta markinu og var mjög líflegur, hefði hæglega getað skorað í kvöld þar sem hann átti m.a. skot í stöng. Atvikið KA komu vel inn í seinni hálfleikinn en misstu þetta endanlega frá sér þegar rúmur stundafjórðungur var til loka eftir slæm mistök hjá William Tönning í tvígang.

Hvað þýða úrslitin? Valur heldur í við toppliðin Víking og Breiðablik. Með 24 stig, tveimur stigum á eftir liðunum en Víkingur á leik til góða. KA hefur aðeins nælt í eitt stig í síðustu fjórum leikjum og er áfram í fallsæti. Vondur dagur KA liðið var í miklum vandræðum í dag. William Tönning átti í miklum erfiðleikum í markinu, hann átti mjög slæman kafla þegar Valur komst í þægilega stöðu í seinni hálfleik og kláraði leikinn 4-1 þar sem hann fór í skógarferð og kom boltanum ekki frá eftir horn þegar Tómas Bent kom liðinu í 3-1. Dómarinn - 8 Flottur leikur hjá honum í dag. Gott flot á leiknum. Má kannski segja að hann hafi sett tóninn með því að gefa Tómasi Bent gult spjald réttmætt gult spjald strax í upphafi leiks.

- Meðalaldur 29 ár

- Meðalaldur 22 ár