Kjartan Leifur Sigurðsson @kjartanleifurs

- Meðalaldur 26 ár

- Meðalaldur 24 ár

Textalýsing Skýrslan Viðtöl

Hvað réði úrslitum? FH stjórnaði ferðinni stærstan hluta leiksins en Stjarnan náði alltaf sterkum köflum þar sem þeir fengu góð færi en Rosenörn stóð vaktina vel. Jafntefli er að lokum líklega bara sanngjarnt. Bestu leikmenn 1. Benedikt Waren Mest ógnandi leikmaður Stjörnunnar í dag og var óheppinn að skora ekki í fyrri hálfleik þegar hann setti boltann í stöngina og svo undir lok leiksins þegar hann komst skyndilega í dauðafæri inn á markteig. 2. Mathias Rosenörn Varði oft á tíðum vel en tvisvar í dag var hann einfaldlega hetjan. Í fyrri hálfleik varði hann snilldarlega góðan skalla frá Andra Rúnari og hann bjargaði stiginu á seinustu sekúndu leiksins þegar hann varði frá Benedikt Waren. Atvikið Glæsilegt mark sem Úlfur Ágúst skorar til þess að jafna leikinn. Árni Snær stendur framarlega og Úlfur gerir vel að taka eftir því og setja boltann yfir hann.

Hvað þýða úrslitin? FH fer upp fyrir KA og úr fallsæti á ný en liðið mætast í næstu umferð. Stjarnan er enn í 5. sæti og tókst ekki að ná Fram sem er í 4. sæti. Vondur dagur Kjartan Kári hefur oft spilað betur heldur en í dag. Tók mikið af fyrirgjöfum sem fæstar fundu liðsfélaga og auk þess klúðraði hann vítaspyrnunni undir lok fyrri hálfleiks. Dómarinn - 4 Fyrri vítadómurinn þegar Andri Rúnar fór niður var aldrei nokkurn tímann vítaspyrna enda var Tómas Orri ekki nálægt því að brjóta á honum. Hitt vítið var líka umdeilt en ég tel það hafa verið réttan dóm. í seinni hálfleik fannst mér oft lítið samræmi í dómgæslunni og voru FH-ingar í stúkunni mjög greinilega pirraðir á Helga Mikael.

- Meðalaldur 27 ár

- Meðalaldur 21 ár