SKÝRSLAN: Topplið ÍR með góðan sigur
Hvað réði úrslitum?
Virkilega góður fyrri hálfleikur hjá ÍR var lykillinn að sigrinum. Þeir gerðu svo vel að halda aftur af heimamönnum í þeim seinni.
Bestu leikmenn
1. Emil Nói Sigurhjartarson
Tvö mörk hjá Emil í dag og bæði þeirra virkilega snyrtileg.
2. Bergvin Fannar Helgason
Mark og stoðsending hjá framherja ÍR-inga, góður leikur hjá honum. Elmar Örn Guðmundsson leikmaður Völsungs gerði það sama fyrir heimamenn og hefði verið hér hefðu þeir jafnað.
Atvikið
Seinna mark Emils. Völsungar minnkuðu muninn á 43. mínútu og allt stefndi í að þeir færu inn í hálfleikinn bara marki undir og með höfuðið hátt en mark Emils undir lok fyrri hálfleiks barði heimamenn aftur niður á jörðina.
Hvað þýða úrslitin?
ÍR fer aftur upp fyrir Njarðvík og eru á toppnum. Breiðhyltingar eru ólseigir og gefa ekkert eftir.
Völsungur er enn með 14 stig og eru þeir grænu farnir að færast nær botnbaráttunni. Gríðarlega mikilvægur Mærudagaleikur gegn Selfoss næstu helgi.
Vondur dagur
Völsungsliðið í fyrri hálfleik. Ekki gott.
Dómarinn - 7
Nenni ekki að spá of mikið í dómgæslunni.