Kári Snorrason @karisnorra

Textalýsing Skýrslan

Hvað réði úrslitum? Víkingar mun betra liðið í fyrri hálfleik. Heimamenn ógnuðu lítið sem ekkert. Þá hélt maður að Víkingar færu þægilega í gegnum þetta en svo var ekki raunin. Eftir það sem leið á seinni hálfleikinn, hertu Vllazniu-menn takið og allt í einu eru þeir komnir yfir, andleysi Víkinga algjört. Hvort að Sölvi Geir hafi farið með skelfilega hálfleiksræðu veit ég ekki, en þessi seinni hálfleikur var ekki til framdráttar. Stuðningsmenn Víkinga þurfa þó ekki að örvænta því undirritaður telur engar líkur á að þetta Vllaznia lið mun koma á Víkingsvöll og sækja úrslit, þetta lið er ekki jafn gott og Víkingur það er klárt mál. Bestu leikmenn 1. Helgi Guðjónsson Nenni ekki að velja einhvern frá Vllaznia, því miður. Það er þó ansi erfitt að velja einhvern Víking, en Helgi komst vel frá þessu. 2. Karl Friðleifur Gunnarsson Skoraði mark Víkinga og gerði það einstaklega vel að rífa sig lausan. Atvikið Markvörður heimamanna var með skottilraun fyrir aftan miðju sem skoppaði í teig Víkinga og fór rétt yfir.

Hvað þýða úrslitin? Víkingar tapa sínum öðrum leik í röð og Vllaznia leiðir einvígið með einu marki. Vondur dagur Sveinn Gísli Þorkelsson dekkaði manninn sem skoraði úr horninu ekki almennilega og síðan fer boltinn af honum og í netið í seinna marki Vllaznia. Þá var hann jafnframt stálheppinn að fá bara ekki að líta rauða spjaldið undir lok leiks er hann fór í harkalega tæklingu. Dómarinn - 8 Ekkert VAR og ekkert við kvartettinn að sakast.

- Meðalaldur 27 ár

- Meðalaldur 24 ár