SKÝRSLAN: Öruggur sigur Völsungs á Mærudögum
Hvað réði úrslitum?
Jakob Héðinn Róbertsson. Þvílíkur leikur hjá bárðdælingnum. Skoraði þrennu og ógnaði sífellt með hraða sínum og krafti.
Bestu leikmenn
1. Jakob Héðinn Róbertsson
Alveg magnaður í dag. Þrenna og var alltaf að ógna. Þvílíkur leikmaður úr bárðardalnum! Óstimplaða lambakjötið gefur auka kraft.
2. Arnar Pálmi Kristjánsson
Fyrirliðinn var frábær eins og alltaf. Áreiðanleiki er orð til að lýsa honum.
Atvikið
Þriðja mark Jakobs. Gekk algjörlega frá leiknum.
Hvað þýða úrslitin?
Völsungar ná að skilja sig aðeins frá fallpakkanum í bili. Selfoss eru í bullandi fallbaráttu og geta eflaust ekki beðið eftir að húsvíkingurinn Jón Daði mætir til leiks.
Vondur dagur
Alfredo Ivan Sanabria. Sá litli möguleiki sem að Selfoss átti dó alveg með rauða spjaldinu sem Alfredo fékk.
Dómarinn - 7
Handboltadómarinn var bara ágætur.