Anton Freyr Jónsson @antonfreeyr

- Meðalaldur 27 ár

- Meðalaldur 25 ár

Textalýsing Skýrslan Viðtöl

Hvað réði úrslitum? Gæðamunurinn á liðunum réði úrslitunum í kvöld. Breiðablik er einfaldlega mun sterkara lið en Valur eins og staðan er í dag. Valskonur áttu sín augnablik, bæði í upphafi fyrri og seinni hálfleiks, en tókst ekki að nýta þau til að skapa sér afgerandi færi. Aftur á móti var það nær undantekningalaust hættulegt þegar Blikar sóttu — það lá mark í loftinu í hvert sinn. Bestu leikmenn 1. Agla María Albertsdóttir Hún hefur verið í algjöru stórformi upp á síðkastið — algjör drottning inni á vellinum. Síðan hún kom heim frá Sviss hefur hún verið á eldi, og það sást vel í dag: tvær stoðsendingar og eitt mark. Það verður vart betra en það. 2. Birta Georgsdóttir Hún var virkilega öflug í kvöld og refsaði miskunnarlaust fyrir klaufaleg mistök Tinnu Brá, markvarðar Vals, í fyrsta markinu. Lagði svo upp annað markið fyrir Öglu með glæsibrag. Hún var síógnandi fram á við og dugleg að koma sér í hættulegar stöður — frábær frammistaða. Atvikið Stærsta atvik leiksins átti sér stað þegar Tinna Brá Magnúsdóttir gerði klaufaleg mistök í marki Vals. Fram að því höfðu Valskonur verið flottar og byrjað leikinn af krafti. Þá kom langur bolti frá Öglu, vörn Vals sofnaði á verðinum og boltinn barst inn á teig. Tinna Brá missti hann klaufalega milli fóta sér og Birta þurfti lítið að gera annað en að renna honum í autt markið.

Hvað þýða úrslitin? Úrslitin í kvöld staðfesta það sem flestir gerðu ráð fyrir fyrir leik — Breiðablik er langbesta liðið í Bestu deild kvenna. Ég á erfitt með að sjá eitthvað lið stöðva þær eins og staðan er núna. Þær hafa pakkað saman bæði Þrótti og Val í fyrstu tveimur umferðunum eftir hlé. Hjá Valskonum heldur martraðartímabilið áfram, og ljóst er að þær verða hvergi nærri titilbaráttu. Raunar virðist miklu líklegra að þær endi í neðri hluta deildarinnar eftir deildarskiptingu. Vondur dagur Mig langar helst að leggja ábyrgðina á allt Valsliðið — en það væri í raun ósanngjarnt. Þetta var einfaldlega ekki jafn leikur. Breiðablikskonur voru miklu sterkari á öllum sviðum fótboltans, og það sást langar leiðir. Þó verður ekki hjá því komist að nefna fyrstu mistökin sem settu tóninn: Tinna Brá Magnúsdóttir, markvörður Vals, gerði sig seka um klaufaleg mistök strax á 6. mínútu þegar hún missti langan bolta milli fóta sér, og þar með gaf Blikum forskotið. Dómarinn - 8 Þetta var ekki erfiðasti leikur að dæma, þar sem yfirburðir Breiðabliks voru algjörir. Þrátt fyrir það stóð ÞÞÞ og hans teymi sig afar vel og dæmdi rétt allan leikinn, eftir því sem ég best sá. Flott frammistaða í kvöld hjá ÞÞÞ og hans teymi.

- Meðalaldur 27 ár

- Meðalaldur 20 ár