SKÝRSLAN: Blikar náðu í jafntefli í Bosníu-Hersegóvínu
Hvað réði úrslitum?
Blikar missa þetta bara niður í jafntefli. Mostar ógnuðu marki þeirra ekki oft en ná að klóra fram mark úr víti. Klaufaskapur í aðdragandanum að því.
Bestu leikmenn
1. Damir Muminovic
Mér fannst Damir skalla allt í burtu sem kom í átt að marki Breiðabliks. Hann stóð sig virkilega vel í hjartanu.
2. Kristinn Jónsson
Kristinn var líflegur í þessum leik og þá sérstaklega sóknarlega. Skemmir ekki fyrir að hafa átt fyrirgjöfina þegar vítið var dæmt.
Atvikið
Það var þegar VAR-dómarinn, Stuart Attwell, ákvað að Blikar ættu að taka vítaspyrnuna aftur en Karacic, markvörður Mostar, var kominn of langt af línunni og þurfti því að endurtaka spyrnuna en upp úr henni kom markið.
Hvað þýða úrslitin?
Úrslitin þýða að Blikar fara á Kópavogsvöll með galopið einvígi og eru alveg eins líklegir að vinna Zrinjski Mostar á heimavelli miðað við leikinn í dag.
Vondur dagur
Ágúst Orri verður að hreppa þennan titil að þessu sinni. Erfitt að velja einhvern, þar sem að Blikar spiluðu bara vel. Hins vegar var það Ágúst Orri sem braut á Pranjic, þegar Enea Jorgji, dómari leiksins, benti á punktinn og brotið hjá honum var ansi klaufalegt.
Dómarinn - 7
Hann var fínn. Dæmir tvö víti sem má alveg deila um.