Guðmundur Aðalsteinn Ásgeirsson @gummi_aa

- Meðalaldur 25 ár

- Meðalaldur 20 ár

Textalýsing Skýrslan Viðtöl

Hvað réði úrslitum? Það er eiginlega með ólíkindum að þessi leikur hafi endað með sigri Grindavíkur í ljósi þess að Leiknir komst 2-0 yfir á fyrsta stundarfjórðungi leiksins. Maður bjóst þá við því að Leiknir myndi ganga á lagið og stúta leiknum, en annað kom á daginn. Leiknir er ekki með sjálfstraust og Grindavík í Grindavík er alltaf Grindavík. Heimamenn sýndu gríðarlegan karakter með því að koma til baka og unnu endurkomusigur. Bestu leikmenn 1. Adam Árni Róbertsson (Grindavík) Skoraði þrennu af miklu harðfylgi. Kom meiddur inn í leikinn en spilaði samt. Talaði um það eftir leik að hann hefði gleymt meiðslunum eftir fyrsta markið. Leikmaður sem kom í Grindavík þegar náttúruhamfarirnar voru að byrja og hann hefur gengið í gegnum ýmislegt með liðinu, en sá er öflugur og frábær leiðtogi fyrir þetta Grindavíkur. Er orðaður við félög í Bestu deildinni en líður vel gula búningnum. 2. Ingi Þór Sigurðsson (Grindavík) Ákvað að taka stökkið í Grindavík fyrir þetta tímabil og fá að spila í staðinn fyrir að sitja á bekknum með ÍA. Þetta er skemmtilegur kantmaður sem lagði upp sigurmarkið með stórkostlegri sendingu. Atvikið Það var rosa mikið af atvikum í þessum leik. Eitt af mörkum ársins var skorað þegar Shkelzen Veseli flengdi boltanum upp í samskeytin af 35 metra færi á 13. mínútu. Adam Árni skoraði þrennu og sigurmarkið var dramatískt. Endurkoman í heild var mögnuð og svo kom rautt spjald í lokin, sem hefði getað haft mikil áhrif. Þessi leikur hafði eiginlega allt sem þú vilt hafa sem hlutlaus áhorfandi.

Hvað þýða úrslitin? Þetta er risastór sigur fyrir Grindvíkinga sem eru núna sex stigum frá fallsvæðinu. Sigur hefði getað gert rosalega mikið fyrir Leikni sem er áfram á botni deildarinnar með tíu stig. Næst er það svakalega mikilvægur leikur fyrir Leikni gegn Fylki. Vondur dagur Dagur Ingi Hammer Gunnarsson sneri á sinn gamla heimavöll og fann sig ekki alveg. Hann komst nokkrum sinnum í álitlegar stöður en náði ekki að gera mikið við þær. Þetta var heldur ekki góður dagur fyrir Ágúst Gylfason, þjálfara Leiknis, sem missti tvo leikmenn í meiðsli. Það vantar sjálfstraust í Leiknisliðið og það er ekki góður andi í kringum liðið. Stuðningsmenn hafa ekki mikla trú eins og staðan er núna, en leikmennirnir þurfa að svara fyrir það inn á vellinum. Dómarinn - 7 Ekki mjög erfiður leikur að dæma, þannig. Rauða spjaldið var mjög svo réttur dómur. Litlir dómar hér og þar, en fínasti leikur hjá Ellíasi og hans teymi.

- Meðalaldur 27 ár

- Meðalaldur 21 ár