Guðmundur Aðalsteinn Ásgeirsson @gummi_aa

- Meðalaldur 25 ár

- Meðalaldur 22 ár

Textalýsing Skýrslan

Hvað réði úrslitum? Kaflaskiptur leikur þar sem Fylkismenn voru yfir í nær öllum tölfræðiþáttum, en heimamenn sýndu mun meiri baráttu og vilja en þeir hafa verið að gera í sumar, náðu að halda út og skoruðu síðan flautusigurmark úr einu hornspyrnu sinni í leiknum á 96. mínútu. Allt trylltist í Breiðholti! Bestu leikmenn 1. Ólafur Íshólm Ólafsson - Leiknir Afskaplega auðvelt val. Ólafur Íshólm sá til þess að Leiknismenn tóku öll stigin. Tók fullt af flottum markvörslum í öllum regnbogans litum. Ef hann hefði ekki verið í þessum ham hefðu Fylkir unnið örugglega. 2. Patryk Hryniewicki - Leiknir Kemur inn í vörn Leiknis vegna meiðsla í fyrri hálfleik. Verulega öflugur, hjálpar liðinu að halda hreinu og skorar svo markið eftir hornspyrnuna sem tryggði stigin þrjú. Atvikið Auðvitað flautumarkið og fögnuðurinn í kjölfarið. Leiknismenn hafa ekki haft mörg tilefni til að fagna í sumar og þarna brutust út miklar tilfinningar.

Hvað þýða úrslitin? Leiknir lyftir sér úr neðsta sæti og alla leið upp úr fallsæti með sigri í þessum óhemju mikilvæga fallbaráttuslag. Hörmungar Fylkis halda áfram og liðið er nú neðst í deildinni. Vondur dagur Það er nánast eins og einhver álög séu á Fylkisliðinu. Samkvæmt tölfræðinni á liðið ekki að vera í þessum stað en leikir vinnast ekki á tölfræðinni. Fremstu menn Árbæinga fóru oft illa að ráði sínu í frábærum stöðum. Eyþór Wöhler og Gummi Tyrfings voru teknir af velli þegar liðið þurfti sárlega á marki að halda og það segir sitt um frammistöðu þeirra. Dómarinn - 9 Ívar Orri var með allt á hreinu í þessum leik. Allt á kristaltæru.

- Meðalaldur 25 ár

- Meðalaldur 22 ár