SKÝRSLAN: Rautt og Jafntefli á Króknum
Hvað réði úrslitum?
Ekki hægt að segja annað en jafnræði hafi verið með liðunum í kvöld og 1-1 jafnteflið því nokkuð sanngjörn úrslit. Unnur Dóra skoraði á lokamínútum fyrri hálfleiks fyrir Þrótt, þær misstu svo Mist útaf með rautt spjald á 83. mínútu leiksins. Tindastóll gekk á lagið, einum fleiri og jafnaði María á 90. mínútu fyrir heimakonur.
Bestu leikmenn
1. Katherine Grace Pettet
Var alveg frábær í vörn Tindastóls í dag, átti marga mjög mikilvæga varnarskalla. Átti stóran þátt í því að Þróttur skoraði ekki fleiri mörk í dag. Aðrar sem gera tilkall hjá Tindastóls er að sjálfsögðu markaskorarinn María Dögg sem átti góðan leik og
Genevieve Crenshaw markmaður Stólanna
2. Kate Cousins
Er einfaldlega allt í öllu í sóknarleik Þróttar, lítið sem gerist án þess að fara í gegnum hana á miðjunni. Þórdís Elva var líka öflug.
Atvikið
Set þetta á rauðaspjaldið hjá Mist, það algjörlega breytti gangi leiksins. Tindastólskonur gengu á lagið einum fleiri og varð mun sterkari aðilinn, Þrólttarar í raun heppnir að þær hafi hreinlega ekki stolið sigrinum.
Hvað þýða úrslitin?
Úrslitin þýða einfaldlega það að bæði lið taka sitthvort stigið úr leiknum. Þróttur missir FH framúr sér í toppbaráttunni en Tindastóll nálgast Stjörnuna og Fram, eru einu stigi á eftir þeim.
Vondur dagur
Vondur dagur hjá Mist Funadóttur að láta reka sig útaf með 2 gul spjöld. Seinna gula fyrir að sparka boltanum í burtu.... Á að vita betur á þessu leveli
hún hafði fyrir það átt ágætis leik.
Dýrt fyrir Þrótt, er í banni í næsta leik líkt og stalla hennar Sóley María sem fékk 2 leikja bann.
Dómarinn - 5
Þokkalega dæmt hjá Ronnarong og félögum, nokkrar stórar ákvarðanir sem ég er ekki endilega viss um að hafi verið réttar, sleppti mögulegu víti og spurning hvort mark Þróttar hefði átt að standa, leit út frá mér séð að brotið hefði verið á markmanninum.