Að vera í þessari stöðu en verða skyndilega svona pínulitlir og skíthræddir er eitthvað sem Víkingar þurfa að rýna í. Finna ástæðuna. Sölvi Geir Ottesen verður einnig að líta í eigin barm og skoða það hvað hann gerði rangt. Því þessu köstuðu Víkingar svo sannarlega frá sér á ævintýralegan hátt. Bröndby var vissulega mun sigurstranglegra liðið fyrir í þessu einvígi en Víkingar sjálfir bera sök á því að hafa ekki klárað þetta. Þessi seinni hálfleikur var algjör hörmung. Takk í kvöld.

Róbert Orri Þorkelsson með marktilraun en Pentz ver. Pentz ekki í nokkrum vandræðum.

Víkingar eru að falla úr leik eins og staðan er, á meðan Bröndby mun mæta Strasbourg í næstu umferð.

Breiðablik tapaði sínum leik í Kópavogi og er á leið í Sambandsdeildar-umspilið.

Eftir aukaspyrnu kemur Vallys boltanum í netið. En rangstaða dæmd svo! Eftir Var skoðun er dæmd rangstaða. Mjög tæpt. Það er enn von.

Þetta er með ólíkindum. Eftir 45 mínútna leik var Víkingur að vinna þetta einvígi 3-0 og 11 gegn 10. En síðan hefur liðið hrunið á ævintýralegan hátt eins og spilaborg. En þetta er ekki búið... eitt mark í viðbót frá Víkingi og þetta fer í framlenginu.

Klaiber með marktilraun fyrir Bröndby. Hörkufæri en hann skýtur þrumuskoti í utanvert hliðarnetið!

Bröndby með fyrirgjöf en Karl Friðleifur skallar boltann afturfyrir og Bröndby fær horn.

Pálmi markvörður með misheppnaða sendingu en bjargar eigin skinni og ver í kjölfarið! Lauritsen með skot sem hann nær að verja.

Köhlert með marktilraun en yfir markið. Búið að dæma rangstöðu. Ótrúlegt hvað Bröndby menn hafa náð að gera sig lausa miðað við að vera einum manni færri. Plan Víkinga að bregðast illilega.

Það er þokkalegur gír í Bröndby mönnum. Það er trú í þeim. Það er alveg klárt mál. Ef þeir ná inn öðru marki gæti myndast ólga hjá Víkingum...

Bröndby hefur seinni hálfleikinn á því að setja pressu á Víkinga. Fyrirgjöf sem Pálmi Rafn grípur vel og af öryggi.

Bröndby sparkar seinni hálfleik í gang.

Marktilraunir: 4-2 Hornspyrnur: 2-2 Rangstöður: 2-1

Vont að fá þetta mark á sig í blálok fyrri hálfleiksins en ellefu á móti tíu eiga Víkingar að sigla þessu í höfn í seinni hálfleik ef allt er eðlilegt.

Uppbótartíminn er að minnsta kosti 2 mínútur

Helgi Guðjónsson með fyrirgjöf sem fer af varnarmanni. Víkingur fær hornspyrnu.

Marko Divkovic með þrususkot fyrir utan teiginn og boltinn í utanverða stöngina.

Filip Bundgaard með marktilraun en kemur ekki boltanum á rammann og svo fór flaggið á loft. Hefði ekki talið. Rangstaða.

Lífið leikur svo sannarlega við Víkinga!

Víkingar eru bara með stjórnina á þessum leik núna, það er ekki flóknara en það. Þeir eru við stýrið og meira með boltann.

Vinir okkar í Tipsbladet tala hreina dönsku!

Daniel Wass tekur boltann á lofti og skýtur upp í röð Z!

Þetta gæti ekki litið betur út fyrir Víkinga!

Helgi Guðjónsson setur boltann afturfyrir eftir fyrirgjöf. Það var enginn Bröndby maður nálægt honum en Helgi tekur enga áhættu og setur boltann útaf. Önnur hornspyrna Bröndby.

Valdimar með fyrirgjöf en rennur þegar hann er að spyrna í boltann, hann fer í bakið á Daniel Wass og ekkert verður úr þessu.

Gylfi með aukaspyrnu sem fer inn í teiginn en Bröndby kemur boltanum í burtu. Þessi leikur er í algjöru jafnvægi í upphafi sem eru góðar fréttir fyrir Víkinga. Í þessum skrifuðu orðum setur Bröndby smá pressu en Pálmi Rafn handsamar boltann á endanum.

Bröndby kallar eftir því að fá hendi-víti eftir hornið en Guillermo Cuadra dómari veifar þessu í burtu. Ekkert dæmt. Í endursýningu sést að þetta var hárrétt hjá þeim spænska. Boltinn fór í mjöðmina á Niko Hansen.

Marko Divkovic með flotta rispu upp hægri kantinn, kemur sér framhjá Helga Guðjónssyni og á fyrirgjöf sem Róbert Orri setur afturfyrir. Fyrsta hornspyrna heimamanna í dag.

Gylfi tók hornspyrnuna en boltinn fór í gegnum allan pakkann og endaði svo í markspyrnu.

Langt innkast frá Helga Guðjónssyni inn í teiginn en varnarmaður heimamanna skallar boltann frá. Daníel Hafsteinsson kemur sér síðan inn í teiginn og nær fínu skoti úr þröngu færi en Pentz ver í hornspyrnu!

Víkingur fékk aukaspyrnu með fyrirgjafarmöguleika frá hægri. Gylfi með fyrirgjöf sem fer yfir pakkann og endar í innkasti til Bröndby hinumegin.

Nikolaj Hansen stökk upp í skallaeinvígi við Luis Binks og lá eftir á vellinum en er fljótur upp og heldur leik áfram. Spænski dómarinn ræðir aðeins við Hansen og Binks eftir aðra rimmu þeirra beint í kjölfarið.

Víkingar hófu leik!

Nú þegar nokkrar mínútur eru í leik er 24 gráðu hiti, verið að vökva völlinn og áhorfendur eru að koma sér fyrir. Þetta verður í meira lagi fróðlegur fótboltaleikur sem er framundan. Styttist í að liðin gangi út á völlinn. Áfram Víkingur!

Róbert Orri Þorkelsson og Viktor Örlygur Andrason voru léttir, ljúfir og kátir þegar þeir röltu um völlinn eftir að rúta Víkingsliðsins rann í hlað á Bröndby Stadion áðan.

Færeyski landsliðsmaðurinn Gunnar Vatnhamar er skráður meðal varamanna hjá Víkingi í kvöld en hann hefur ekki spilað vegna meiðsla í hné síðan í byrjun júlímánaðar. Gaman að sjá að þessi öflugi leikmaður er að snúa aftur.

Víkingar eru með sína þriggja marka forystu sem veldur því að Bröndby þarf að sækja frá fyrstu mínútu. Þeir fá eflaust mikið af hornspyrnum en Epic er með stuðulinn 1.91 á að Bröndby fari yfir 9,5 hornspyrnur.

Stuðningsmenn Víkings eru farnir að safnast saman á veitingastaðnum Ölveri þar sem búist er við húsfylli og mikilli stemningu. Það er alveg ljóst að stemningin mun haldast vel inn í kvöldið ef vel fer hjá Víkingum í kvöld.

Frederik Birk, þjálfari Bröndby, er með sama byrjunarlið og vann Vejle 2-1 í dönsku úrvalsdeildinni um helgina. Danirnir vonast til þess að skora snemma í leiknum í dag til að skapa einhvern taugatitring hjá Víkingum.

Halló Köben! ?????? pic.twitter.com/M1T3qjPE6Q

— Hrannar Már (@hrannaremm) August 14, 2025

   14.08.2025 12:20

Sölvi Geir: Yrði svört vika fyrir Bröndby og frábær fyrir FCK

„Það er alltaf blanda af hvoru tveggja, spennu og stressi, það verður að vera, sérstaklega hjá leikmönnum. Það gerir menn ennþá meira klára fyrir leikinn, mikilvægt að menn séu með spennustigið rétt. Við þjálfararnir þurfum líka að vera rétt stilltir, gefa frá okkur góða orku þannig allt sé upp á tíu," segir Sölvi Geir Ottesen, þjálfari Víkings, við Fótbolta.net. Þurfa að nýta þá orku „Ég var að heyra að það væri búið að selja einhverja 20 þúsund miða, ég býst við góðri stemningu, miklum látum og stuðningsmenn Bröndby munu styðja þétt við bakið á þeim. Við þurfum að nýta þá orku til góðs, þrífast á þeirri orku þó að hún sé kannski ekki tileinkuð okkur, þá þurfum við samt sem áður að nýta okkur hana. Ég býst við virkilega góðri stemningu og vonandi skemmtilegu kvöldi fyrir okkur Víkinga." „Það verður baulað á dómarann og blístrað og allt svona, en þekkjandi það sem leikmaður að þegar þú ert í 'zone-inu' þínu þá heyrir þú ekkert í áhorfendum, ert með einbeitinguna rétt stillta, þá ertu í augnablikinu. Þannig þarf einbeitingin okkar að vera. Eins skrítið og það er þá heyrir maður ekki í áhorfendum og látunum í kringum þig, ert bara í lítilli búbblu inn á vellinum. Þegar dómarinn stoppar leikinn eða eitthvað svoleiðis, þá tekur maður eftir stemningunni. Einbeitingin þarf að vera á það sem við erum að gera, þá á þetta ekki að trufla okkur."

Bröndby Stadion er næststærsti leikvangur Danmerkur en hann tekur 28 þúsund áhorfendur, þar af 23.400 í sæti. Á myndinni má sjá fyrirliða Víkings, Oliver Ekroth, á æfingunni í gær.

Læti voru í stuðningsmönnum Bröndby í kringum fyrri leikinn hér á landi, hópur var með ofbeldisfulla hegðun og vann skemmdarverk á heimavelli Víkings. UEFA hefur ákveðið að setja leikinn á hæsta öryggisstig en þá er viðbúnaður aukinn og löggæsla meiri en á hefðbundnum Evrópuleikjum.

   12.08.2025 14:43

Mikill viðbúnaður vegna leiks Víkings í Kaupmannahöfn

Tipsbladet er með viðtal við Sölva Geir Ottesen, þjálfara Víkings, fyrir leikinn og þar talar Sölvi um frammistöðu Gylfa Þórs Sigurðssonar í fyrri leiknum. „Gylfi var framúrskarandi. Þetta var hans besti leikur síðan hann kom hingað og margir fleiri spiluðu einnig sinn besta leik. Þú sérð töfrana í Gylfa þegar kemur að föstum leikatriðum. Hann getur sparkað boltanum nákvæmlega þangað sem hann vill, þá er það bara í höndum annarra að notfæra sér það. Hann gefur okkur góða möguleika í föstum leikatriðum," segir Sölvi.

   13.08.2025 16:20

Bröndby æfði vítaspyrnur fyrir leikinn gegn Víkingi

   11.08.2025 14:00

Spáir því að Bröndby rúlli yfir Víking í seinni leiknum

Bröndby mun blása til sóknar í Kaupmannahöfn. Það er heldur ekkert annað í stöðunni fyrir heimamenn eftir magnaðan 3-0 sigur Víkings í fyrri leiknum. „Ég hef lagt mikla áherslu á orðið trú, og trúin er til staðar hjá leikmönnum og starfsliðinu. Við þurfum að sækja í þessum leik, og við verðum að snúa þessu við," sagði Frederik Birk, stjóri Bröndby, í samtali við Tipsbladet eftir æfingu í gær. „Við þurfum að sækja frá upphafi leiks en þurfum líka að gæta þess að við fáum ekki á okkur ódýr mörk eins og við gerðum á Íslandi." Ef Bröndby vinnur með þriggja marka mun mun viðureignin fara í vítaspyrnukeppni og lið Bröndby bjó sig undir þann möguleika á æfingu. „Þetta gæti endað í vítakeppni. Það er vaninn að við æfum vítaspyrnur þegar við erum í leikjum sem þessum og æfingin í dag var engin undantekning á því," segir Birk. Leikmenn Bröndby hafa talað um það í viðtölum fyrir leikinn að áhorfendur muni fá að sjá allt aðra útgáfu af liðinu en í fyrri leiknum.

Spænskir dómarar verða á leiknum. Guillermo Cuadra Fernández verður þar aðaldómari en hann er vanur því að dæma í spænsku deildinni, La Liga.

Verður Víkingur fyrst íslenskra félagsliða til að slá danskt lið úr leik í Evrópukeppni? Það kemur í ljós í kvöld! Seinni leikur Bröndby og Víkings í forkeppni Sambandsdeildarinnar er framundan. Víkingur vann frækinn sigur 3-0 í fyrri leiknum en það er þó ljóst að verkefnið í Kaupmannahöfn í kvöld verður langt frá því að vera auðvelt! Ef Víkingi tekst að slá Bröndby út þá mun franska liðið Strasbourg verða næsti mótherji, í umspili um að komast í Sambandsdeildina!

   13.08.2025 11:08

Bröndby – Víkingur í beinni á Livey

Fyrri leikurinn:

   07.08.2025 22:47

Óstöðvandi EuroVikes og hrokafullur þjálfari Bröndby

   07.08.2025 21:58

Gylfi: Það er eitthvað sérstakt að gerast hérna

   07.08.2025 21:42

Sölvi telur Bröndby hafa vanmetið Víking: „Kaupmannahafnarbúar líta stórt á sig“

   07.08.2025 21:25

Stuðningsmenn Bröndby kalla eftir höfði þjálfarans - „Afhroð á eldfjallaeyjunni“

   08.08.2025 08:15

Bröndby til skammar á Íslandi - Ofbeldi, skemmdarverk og danskur hroki