Stigin þrjú verða eftir í Garðabænum. Skýrsla of viðtöl væntanleg.

Takk fyrir mig í dag!

Morten Ohlsen fær fyrirgjöf frá hægri beint á pönnuna en skallinn hans ere beint á markið og Árni ver frá honum.

Conteh sýnir góða takta en sendingin sem hann ætlar að setja inn fyrir er of föst og fer aftur fyrir

Fimm mínútur í uppbót

Jeppe Pedersen með skot sem stoppar á Guðmundi Kristjánssyni

Vestri fá horn sem er tekið inn á markteiginn en Árni grípur það.

Emmanuel Duah í fínum færi en skotið hans er rétt fram hjá

Guðmundur Kristjánsson gerir vel í að skalla aukaspyrnuna í horn og það er síðan aftur hann sem skallar hornið frá.

Fyrirgjöf frá Anton Kralj fer í höndina á Samúel Kára og Vestri fær aukaspyrnu á fínum stað

Vestri sækja upp hinum megin og þar er Eiður Aron kominn í færi en hann nær ekki alveg til boltans og Árni nær til boltans.

Aukaspyrna frá vinstri inn á teig Vestra endar í löppunum á Andra Rúnari sem nær að leggja hann fyrir Sindra sem á skot en Guy með allt í teskeið

Guðmundur Arnar nýkominn inn á og strax í einhverjum vandræðum með boltann við lappirnar en hann sleppur með skrekkinn þar sem Stjörnumenn ná ekki að refsa nægilega hratt.

Aftur fá Vestri horn en núna fer spyrnan beint aftur fyrir endamörk

Vestramenn fá horn sem er skallað frá

Frábær bolti inn fyrir í hlaupið á Baldur Loga sem á þrumuskot í stöngina

Gustav Kjeldsen tekur spyrnuna en skotið er yfir markið.

Túfa fyrir innan þegar skotið kemur og dómarateymið metur það svo að hann hafi áhrif á leikinn. Davíð Smári gjörsamlega brjálaður á hliðarlínuni.

Jeppe Pedersen tekur spyrnuna sem er alveg ferleg og fer hátt, hátt yfir markið.

Vestramenn fá aukaspyrnu vintra megin rétt fyrir utan teiginn.

Vestramenn fá aukaspyrnu úti á velli og eru komnir með marga menn inn í teig. Eiður Aron endar á því að fá boltann á fjær og reynir að koma honum aftur fyrir markið en Árni Snær grípur vel inn í.

Fín sókn hjá Stjörnumönnum endar á Baldri Loga fyrir framan markið sem nær ekki almennilegri stjórn á boltanum og skottilraunin sem náði eiginlega ekki að vera skot fer fram hjá markinu.

Fyrirgjöf frá vinstri endar á hausnum á Eiði Aroni en Árni ver frá honum.

Ágúst Eðvald á skot í átt að marki en það nær ekki á markið þar sem það stoppar á varnarmanni.

Ívar Orri flautar þetta aftur í gang

Stjörnumenn leiða í hálfleik 2-1 sem er líklega bara sanngjarnt heilt yfir. Tökum okkur stutta pásu.

Ein mínúta í uppbót

Anton Kralj tekur hornspyrnu fyrir Vestra og finnur Tufa inn á teignum sem á skalla fram hjá.

Sergine Fall vinnur aukaspyrnu úti hægra megin.
Jeppe Pedersen tekur spyrnuna sem er mjög góð en það er enginn sem nær alvöru árás á boltann í teignum og boltinn fer í gegnum teiginn. Vestramenn halda áfram sókninni og það eru tvö veik vítaköll í þeirri sókn.
Á endanum nær Ágúst Eðvald skoti en það er fram hjá.

Gustav Kjeldsen skallar boltann beint fyrir Andra Rúnar sem tekur hann á lofti af löngu færi en Guy er ekki í miklum vandræðum með það

Danni Finns tekur hornið sem endar á pönnunni á Caulker sem á skalla yfir.

Stjörnumenn fá horn

Ágúst Eðvald lætur vaða af löngu færi en boltinn svífur hátt yfir markið.

Damil Serena með fyrirgjöf sem Andri Rúnar nær til en skallinn frá honum er fram hjá.

Samúel Kári með góðan bolta inn fyrir lengst utan af velli. Alex Þór reynir allt sem hann getur til að ná til boltans en það dugir ekki til og boltinn fer aftur fyrir endalínu.

Ágúst Hlynsson sloppinn einn í gegn eftir misheppnaða rangstöðu gildru Stjörnumanna en slúttið hans er beint í skrokkinn á Árna Snæ í markinu.

Stjörnumenn spila vel á milli sín í kring um teig Vestra og ná á endanum fyrirgjöf en Vestramenn skalla frá.

Jeppe Pedersen með fyrirgjöf í fínt svæði en enginn samherji sem leynist þar og Samúel Kári skallar frá.

Samúel tekur spyrnuna á nær þar sem Alex Þór nær skalla á markið en Smit ver það nokkuð þægilega.

Jóhann Árni á fínan bolta inn í sem Vestramenn skalla aftur fyrir.

Vestri fá aukaspyrnu vinstra megin á vallarhelmingi Stjörnunnar sem Jeppe Pedersen þrumar á fjær þar sem Tufa nær skallanum en Árni ver frá honum.

Stjörnumenn mjög klaufalegir í sínum varnarleik og Tufegdzic fær boltann óvænt en þeir ná að stökkva fyrir skotið frá honum.

Stjörnumenn fá horn sem Samúel Kári setur fyrir. Þar er Steven Caulker einn og óvaldaður og nær skoti á markið en Guy gerir vel í markinu og ver frá honum.

Baldur Logi gerir tilraun til að keyra á Sergine Fall en Fall verst prýðilega og nær að skýla boltanum aftur fyrir endalínu

Hornið er tekið stutt og boltinn berst á endanum út til Damil sem setur hann inn í og Andri Rúnar á þar skalla í slá. Boltinn berst af slánni á Alex Þór sem reynir hvað hann getur að bregðast hratt við og koma boltanum á markið en tilraunin endar á að fara hátt yfir markið.

Vestramenn ekki langt frá því sð setja boltann í eigið mark eftir fyrirgjöf frá Alex Þór er stjörnumenn fá horn í staðinn

Anton Kralj tekur spyrnuna út í teiginn á Jeppe, hann setur hann aftur á Kralj sem kemur með boltann á fjær. Þar á Vladimir Tufegdzic skalla í stöng og eftir mikinn darraðadans koma Stjörnumenn botlanum frá

Vestri fá fyrstu hornspyrnu leiksins.

Vestramenn eru komnir með hausinn á Laugardalsvöll, 1,74 á Stjörnuna á epic er veisla og það verður mikið sett á það í Sierra Leone, eigið góðan dag

Jökull I. Elísabetarson neyðist til að gera fjórar breytingar á byrjunarliðinu sínu frá sigrinum á Víkingum í síðustu umferð en Guðmundur Baldvin Nökkvason, Þorri Mar Þórisson, Örvar Eggertsson og Benedikt V. Warén eru allir í banni. Inn fyrir þá koma Alex Þór Hauksson, Baldur Logi Guðlaugsson, Daníel Finns Matthíasson og einn nýju mannanna, Damil Serena.

Davíð Smári Lamude gerir þrjár breytingar á Vestraliðinu frá sigrinum á Fram. Anton Kralj, Eiður Aron Sigurbjörnsson og Sergine Fall koma inn fyrir Thibang Sindile, Diego Montiel og Guðmund Arnar Svavarsson.

Stjarnan verður án fjögurra leikmanna vegna leikbanna; Þorri Mar Þórisson fékk rautt spjald í síðustu umferð, Örvar Eggertsson er kominn með sjö gul og þeir Benedikt V. Warén og Guðmundur Baldvin Nökkvason eru með fjögur gul hvor.

Stjörnumenn voru heldur betur uppteknir á skrifstofunni í lok gluggans en þrír útlendingar duttu inn á gluggadegi. Jökull Elísabetarson ræddi við fótbolta.net um félagaskiptin.

   16.08.2025 10:32

Jökull útskýrir óvæntu félagaskiptin - „Þurftum að fara út fyrir þægindarammann"

Ívar Orri Kristjánsson er flautumeistarinn í Garðabænum í dag og honum til halds og trausts eru Eysteinn Hrafnkelsson og Guðmundur Ingi Bjarnason með sitthvort flaggið. Patrik Freyr Guðmundsson er varadómari og Hjalti Þór Halldórsson er eftirlitsmaður.

Vestramenn hafa náð að rétta úr kútnum upp á síðkastið eftir erfiðar vikur í lok júní og byrjun júlí. Þeir fengu Fram í heimsókn í síðustu umferð þar sem þeim tókst á einhvern ótrúlegan hátt að sækja punktana þrjá en Fram voru betra liðið í leiknum heilt yfir. Vestri sitja í 5. sæti með 26 stig og geta komið sér upp fyrir Stjörnuna með sigri.

Stjörnumenn hafa átt nokkuð skrýtið sumar. Þeir hafa átt fína kafla á tímabilinu en þeir hafa líka átt alveg einstaklega vonda kafla. Þeir unnu frækinn sigur á Víkingum þar sem leikar enduðu 2-4 en Stjörnumenn voru einum færri nær allan seinni hálfleikinn. Stjörnumenn eru búnir að sækja átta stig í síðustu fimm leikjum en þeir sitja í 4. sæti deildarinnar með 28 stig.

Veriði hjartanlega velkomin í þessa beinu textalýsingu frá leik Stjörnunnar og Vestra í Bestu deildinni.

sunnudagur 17. ágúst
14:00 ÍBV-Valur (Hásteinsvöllur)
14:00 Stjarnan-Vestri (Samsungvöllurinn)
17:00 Afturelding-KA (Malbikstöðin að Varmá)
18:00 ÍA-Víkingur R. (ELKEM völlurinn)
19:15 Breiðablik-FH (Kópavogsvöllur)

mánudagur 18. ágúst
19:15 Fram-KR (Lambhagavöllurinn)