Kári Snorrason @karisnorra

- Meðalaldur 23 ár

- Meðalaldur 23 ár

Textalýsing Skýrslan

Hvað réði úrslitum? HK-ingar byrjuðu betur, komust snemma yfir en hleyptu Fjölnismönnum inn í leikinn með ódýru marki. Við það efldust Fjölnismenn sem ógnuðu mikið en þeim tókst þó ekki að komast yfir. HK-ingar fengu þá vítaspyrnu um miðbik fyrri hálfleiks og tóku yfirhöndina á ný. Í seinni hálfleik var nokkuð jafnræði milli liðanna, þar til að Þorsteinn Aron skoraði þriðja mark HK. Við það gáfust Fjölnismenn nánast bara upp og HK-ingar refsuðu. Bestu leikmenn 1. Dagur Ingi Axelsson Degi var skipt upp á hægri kant seint í seinni hálfleik og gerði sínum gömlu félögum grikk með tveimur mörkum og stoðsendingu. 2. Karl Ágúst Karlsson Karl Ágúst frábær í dag, skoraði fyrsta mark leiksins og ógnaði sífellt á hægri kantinum. Atvikið Ég sárvorkenndi Þorsteini Aroni undir lok fyrri hálfleiks, þegar liðsfélagi hans Haukur Leifur ætlaði að hreinsa frá marki HK en þrumaði beint í krúnudjásnin á Þorsteini, sem þurfti nokkrar mínútur til að jafna sig.

Hvað þýða úrslitin? Fjölnir er á botni deildarinnar, tveimur stigum frá öruggu sæti. Þeir eiga erfiða leiki við sjóðheita Þróttara og Þórsara í næstu tveimur leikjum. HK-ingar komu sér upp í fjórða sætið í dag og eru komnir í góða stöðu varðandi umspilssæti. Vondur dagur Bjarni Þór Hafstein fékk algjört dauðafæri í stöðunni 1-1 og hefði getað komið Fjölni yfir, en setti boltann í utanvert hliðarnetið. Sömuleiðis fékk Egill Otti afbragðsfæri sem fór forgörðum. Varnarmenn Fjölnis hafa átt betri daga, eins og gefur að skilja var enginn frábær í 5-1 tapi. Dómarinn - 5 Undirritaður sá vítið sem HK fékk illa, en Gunnar Már, þjálfari Fjölnis, fullyrti að þetta hefði aldrei átt að vera vítaspyrna við mig eftir leik. Ef satt reynist, þá gerðist lögregluvarðstjórinn sekur um ansi dýr mistök, enda stórt atvik í leiknum.

- Meðalaldur 23 ár

- Meðalaldur 23 ár