Tryggvi Guðmundsson @fotboltinet

- Meðalaldur 25 ár

- Meðalaldur 26 ár

Textalýsing Skýrslan Viðtöl

Hvað réði úrslitum? Eyjamenn voru heilt yfir sterkari aðilinn í leiknum. Frekar bragðdaufur leikur og ekki mikið dauðafæri í fyrri hálfleik. ÍBV voru alltaf líklegri til að skora heldur en Skagamenn og komu boltanum loksins í netið um miðjan seinni hálfleik. Bestu leikmenn 1. Þorlákur Breki Baxter Var einn af mest áberandi leikmönnum í liði Eyjamanna. Var líflegur í sóknarlínu ÍBV og gerir auðvitað þetta mikilvæga mark fyrir Eyjamenn sem kom þeim í 1-0. 2. Hermann Þór Ragnarsson Var að sama skapi einna líflegasti leikmaður Eyjamanna. Var að komast í fínar stöður og kom með flottar fyrirgjafir inn á teig Skagamanna. Hann fiskaði svo vítið fyrir Eyjamenn undir lok leiks. Atvikið Gísli Laxdal Unnarsson fékk algjört dauðafæri í stöðunni 1-0 fyrir ÍBV þegar Birgir Ómar Hlynsson átti misheppnaða sendingu til baka á Marcel í markinu. Gísli komst inn í sendinguna en hann náði ekki að setja boltann fram hjá Marcel.

Hvað þýða úrslitin? Eins og staðan er í dag þá er ÍBV alveg upp við efri hlutann með 28 stig, fer eftir því hvernig leikur Stjörnunar og KA fer hvort þeir eru í 7. eða 6. sæti. ÍA er í vondum málum og eru lang neðstir með 16 stig. Vondur dagur Viktor Jónsson var ekki alveg á sínum degi. Hann fékk þrjú fín tækifæri í leiknum til að setja mark sitt á leikinn og hefði átt að gera mun betur en hann gerði. Hefur eins og flestir vita verið lykilleikmaður ÍA í nokkur ár og þeir þurfa virkilega á því að halda að hann sé upp á sitt besta á lokasprettinum Dómarinn - 7 Flottur leikur hjá Jóhanni Inga. Dæmdi leikinn vel og lítið um vafaatriði.

- Meðalaldur 26 ár

- Meðalaldur 21 ár