Aron Jóh tekur spyrnuna inn á teiginn sem Mosfellingar skalla framhjá og Pétur flautar síðan leikinn af.

Takk fyrir samfylgdina í dag.

Einn séns í viðbót!

Aron Elí tekur spyrnuna inn á teiginn, það myndast smá klafs inni á teignum áður en boltinn fer af Mosfelling og aftur fyrir í markspyrnu.

Aron Jóh tekur spyrnuna inn á teiginn sem FH-ingar standa af sér en sóknarpressa Mosfellinga heldur áfram.

Aron Elí tekur spyrnuna inn á teiginn sem Rosenörn nær að kýla frá. Það myndast smá klafs inni á teignum áður en Pétur dæmir brot á Aftureldingu.

Goggi Bjarna fær boltann við vítateigslínuna og reynir skotið sem fer í varnarmann og aftur fyrir í hornspyrnu.

Aron Jóh fær boltann inni á teignum í sinni draumastöðu og reynir skotið á markið áður en hann leikur á varnarmann FH. Hann tekur síðan skotið á markið en Ahmed Faqa nær að koma löppinni fyrir skotið.

Aftureldinga spilar sig vel upp völlinn. Það kemur bolti inn á teiginn sem dettur skemmtilega fyrir Aroni Elí fyrir utan vítateiginn. Hann reynir skotið sem fer rétt framhjá.

Leikurinn hefur róast aðeins eftir mark Sigurðar. Mosfellingar hafa skipt um gír og haldið ívið meira í boltann. Þeir eru að hóta jöfnunarmarki. Spurning hvort Arnór Gauti nái að blása einhverju líf í sóknarleik heimamanna.

Sævar Atli fær boltann inni á teignum einn á auðum sjó en setur boltann rétt framhjá.

Böddi Löpp tekur spyrnuna inn á teiginn sem Mosfellingar hreinsa frá.

FH-ingar byrja þetta fyrir okkur í þeim seinni.

Það eru nokkur þekkt andlit í stúkunni í dag. Sveppi Krull er meðal gesta, Kristján Óli eða nánar tiltekið Höfðinginn, Aron Pálmason goðsögn í FH og íslenskum handbolta, Hákon Örn Hjálmarsson leikmaður í Bónus deildinni í körfubolta er mættur, John Andrews fyrrum þjálfari kvennaliðs Víkinga R. er að horfa á leikinn, Twana Khalid Ahemd dómari og aðrir góðir gestir.

Þá er Pétur Guðmundsson búinn að flauta til hálfleiks og staðan er 1-1. Tökum okkur korterspásu.

Leikurinn hefur aðeins róast eftir jöfnunarmark Hrannars. Bæði lið skiptast á að halda í boltann en gera lítið við hann.

Baldur Kári tæklar Bjart Bjarma niður í teignum og Pétur bendir á punktinn réttilega.

Afturelding (4-2-3-1)
Jökull
Georg - Aron - Axel - Aron Elí
Bjartur - Aron Jóh
Þórður - Kassi - Hrannar
Stokke

FH (4-2-3-1)
Rosenörn
Birkir - Faqa - Ísak - Böðvar
Balur - Grétar
Kristján - Björn - Kjartan
Sigurður

Jökull gerir vel í mjög erfiðri stöðu að blaka boltanum í burtu. Fáranlega góðar spyrnur hjá Bödda, þetta fer allt bara beint á markið, nánast skot.

Enn og aftur blakar Jökull boltanum yfir í annað horn.

Kjartan Kári kemur með bolta fyrir markið úr aukaspyrnu beint á pönnuna á Sigga Hall sem skallar á markið en Jökull ver örugglega.

Frábært spil hjá FH-ingum upp völlinn. Kristján Flóki sendir boltann fyrir markið á Björn Daníel sem er kominn í góða skotstöðu inn á teignum en neglir boltanum yfir markið.

Afturelding spilar sig vel upp völlinn og það er Þórður Gunnar sem fær boltann inni á vítateignum. Hann reynir skotið sem fer rétt yfir.

Böddi tekur spyrnuna inn á teiginn sem fer aftur á markið og Jökull er í brasi á marklínunni en nær alltaf að kýla boltann í burt með herkjum.

Svakalegar hornspyrnur hjá Bödda.

Mosfellingar verjast þessu og koma boltanum í burtu.

Kjartan Kári tekur spyrnuna inn á teiginn en heimamenn ná að hreinsa þessu frá.

Böddi tekur aðra hornspyrnu sem fer af Mosfelling og í aðra hornspyrnu hinum meginn.

Böddi Löpp tekur spyrnuna inn á teiginn sem Jökull þarf að blaka aftur fyrir í annað horn.

Það eru heimamenn, nánar tiltekið Benjamin Stokke, sem byrjar þetta fyrir okkur í dag.

Þá ganga liðin til vallar og gera sig klár í slaginn.

Þótt FH hafi unnið Blika á útivelli eru líkurnar ekki með þeim á gervigrasi. Bæjarhátíð í mosó og “gómurinn” segir alltaf að lið tapi ekki þegar það er bæjarhátið. Afturelding sigur er á stuðli 3 á epic.

Magnús Már Einarsson, þjálfari Aftureldingar, gerir eina breytingu frá 4-3 tapinu gegn Val.

Aron Jóhannsson kemur inn fyrir Bjarna Pál Linnet Runólfsson sem tekur sér sæti á bekknum.

Grétar Snær Gunnarsson, Sigurður Bjartur Hallsson og Kristján Flóki Finnbogason koma allir inn hjá FH-ingum, en þeir Dagur Örn Fjeldsted og Bjarni Guðjón Brynjólfsson koma á bekkinn og þá er Tómas Orri Róbertsson í leikbanni.

Afturelding 3 - 1 FH (14:00 í dag)
Afturelding gæti varla verið með bakið meira klesst við vegginn, nema auðvitað að þeir tapi þessum leik. FH hafa fengið 20 af sínum 26 stigum á grasinu sínu fagra í Hafnarfirði. Til að halda þessu faglegu að þá verður að taka þetta til greina, vegginn og gervigrasið, og þar af leiðandi vinnur Afturelding þennan leik 3-1, þó að Epic séu ósammála mér.

Pétur Guðmundsson dæmir þennan leik í dag en þetta verður hans fyrsti Bestu deildar leikur ársins sem hann dæmir í ár. Hann hefur verið að dæma nokkra leiki í Lengjudeildinni til þessa. Honum til aðstoðar verða þeir Þórður Arnar Árnason og Eðvar Eðvarsson. Skiltadómari dagsins er Gunnar Freyr Róbertsson og eftirlitsmaður KSÍ er Þórður Georg Lárusson.

FH hefur ekki tapað í fjórum leikjum en í seinustu umferð björguðu þeir stigi í dramatískum leik gegn ÍBV með jöfnunarmarki, flautumarki, frá Kjartani Kári beint úr aukaspyrnu, seinasta spyrna leiksins. Eins og staðan er núna eru þeir komnir upp í 5. sætið, 6 stigum frá Blikum í 4. sætinu og 8 stigum frá 3. sætinu sem er Evrópusæti.

Afturelding hefur ekki unnið núna í 8 leikjum, seinasti sigur Mosfellinga kom í Vestmannaeyjum 23. júní. Afturelding heimsótti Valsmenn á Hlíðarenda í seinustu umferð og töpuðu 4-3. Í hálfleik var staðan 2-0 fyrir Aftureldingu en þeir misstu leikinn alveg niður í þeim seinni.

Eins og staðan er núna er Afturelding í fallsæti, tveimur stigum frá öruggu sæti.

Heilir og sælir ágætu hlustendur og veriði hjartanlega velkomin í þessa þráðbeinu textalýsingu úr leik Aftureldingar og FH í Mosfellsbænum.