SKÝRSLAN: Þrjú mörk og þrjú stig
Hvað réði úrslitum?
Stjarnan var betri í leiknum og nýtti færin sín vel. Fram í fyrri hálfleik gátu skorað annað mark og var Stjarnan smá sofandi á köflum í fyrri hálfleik en í seinni var þetta allt Stjarnan og yfir 90 mínútur þá eiga þær þrjú stigin skilið.
Bestu leikmenn
1. Úlfa Dís Kreye Úlfarsdóttir (Stjarnan)
Mjög góð frammistaða í dag, mark og stoðsending. Fram átti erfitt með að höndla hana þegar hún keyrði upp kantinn.
2. Gyða Kristín Gunnarsdóttir (Stjarnan)
Flott frammistaða í dag, mark og stoðsending. Margar af fyrirgjöfum hennar voru flottar.
Atvikið
Um það bil á 15 mínútu vaknar Stjarnan og byrjar að taka yfir eftir lélegar fyrstu 15 mínútur og herja þær á Fram og ná að skora. Svo verða þær enn betri í seinni og klára leikinn af.
Hvað þýða úrslitin?
Fram er ekki að fara í topp sex eftir að Víkingur sigraði sinn leik. Stjarnan fer upp í fjórða sætið en Valur á eftir að spila gegn Tindastóli á sunnudaginn.
Vondur dagur
Það er erfitt að setja út á einn sérstakan leikmann eða leikmenn en ef það er einhver sem verður að fá titilinn þá eru það bakverðir Fram sem áttu erfitt með að höndla kantmennina hjá Stjörnunni, þær Úlfu Dís og Gyðu. Seinni tvö mörkin sem Stjarnan skoraði voru ódýr og voru svipuð mörk þar sem boltinn fer í gegnum vörnina frá kantmanni á kantmann og var þá markaskorarinn alveg frír til þess að skjóta.
Dómarinn - 8
Eina atriðið var þegar Úlfa Dís datt niður í vítateignum og vildi víti en mín skoðun er sú að það var ekki víti og dómarinn var sammála því. Annað en það þá voru engin vafaatriði og hann dæmdi vel í kvöld.